കണ്ണൂർ: കാൽനട യാത്രക്കാരനെ സ്വകാര്യ ബസ് ഇടിച്ച സംഭവത്തിന് പിന്നാലെ ട്രെയിൻ തട്ടി ബസ് ഡ്രൈവർക്ക് ദാരുണാന്ത്യം. ഭഗവതിബസ് ഡ്രൈവർ പാനൂർ മനേക്കര സ്വദേശി ജീജിത്താണ് (45) മരിച്ചത്. തലശ്ശേരി പെട്ടിപ്പാലത്താണ് ദാരുണമായ സംഭവം.

ശനിയാഴ്ച വൈകുന്നേരം 6.15 ന് വടകര-തലശ്ശേരി റൂട്ടിലോടുന്ന സ്വകാര്യ ബസാണ് അപകടമുണ്ടാക്കിയത്. വടകരയിൽ നിന്നും വരുമ്പോൾ പെട്ടിപ്പാലം പഴയ കള്ളുഷാപ്പിന് അടുത്തുവെച്ച് ബസ് കാൽനട യാത്രക്കാരനായ മുനീറിനെ ഇടിക്കുകയായിരുന്നു. സംഭവം നടന്നയുടനെ ജനക്കൂട്ടത്തിന്റെ അക്രമം ഭയന്ന് ഡ്രൈവർ ബസിൽ നിന്ന് ഇറങ്ങിയോടുകയായിരുന്നു.

തൊട്ടടുത്ത റെയിൽവെ ട്രാക്കിലേക്കാണ് ബസ് ഡ്രൈവർ ഓടിയത്. ട്രാക്കിലൂടെ ഓടുന്നതിനിടെയാണ് ഇതിലൂടെ കടന്നു പോവുകയായിരുന്ന ട്രെയിൻ ഇടിച്ചത്. ആളുകൾ ഓടിക്കൂടിയെങ്കിലും ജീജിത്ത് തൽക്ഷണം മരണമടയുകയായിരുന്നു. മൃതദേഹം തലശേരി ജനറൽ ആശുപത്രി മോർച്ചറിയിലേക്ക് മാറ്റി. അപകടത്തിൽ പരുക്കേറ്റ മുനീറിനെയും ആശുപത്രിയിൽ പ്രവേശിപ്പിച്ചിട്ടുണ്ട്

 

മറുനാടന്‍ മലയാളി

    മറുനാടന്‍ മലയാളി ബ്യൂറോ