അന്തർ സംസ്ഥാന ബസുകളിൽ നടന്ന മിന്നൽ പരിശോധന; കൊല്ലം ബീച്ച് പരിസരത്തെ യുവാവിന്റെ പക്കൽ എംഡിഎംഎ; കൈയ്യോടെ പൊക്കി എക്സൈസ്

കൊല്ലം: സ്പെഷ്യൽ ഡ്രൈവിൻ്റെ ഭാഗമായി കൊല്ലം എക്‌സൈസ് റേഞ്ച് നടത്തിയ മിന്നൽ പരിശോധനയിൽ എം.ഡി.എം.എയുമായി യുവാവ് അറസ്റ്റിലായി. അന്തർ സംസ്ഥാന സർവീസ് നടത്തുന്ന ബസ്സുകൾ കേന്ദ്രീകരിച്ച് നടത്തിയ പരിശോധനയ്ക്കിടെ കൊല്ലം ബീച്ച് പരിസരത്ത് വെച്ചാണ് പ്രതിയെ പിടികൂടിയത്.

കൊല്ലം മാങ്ങാട് സ്വദേശിയായ അരുൺ രാജ് (29 വയസ്സ്) ആണ് അറസ്റ്റിലായത്. ഇയാളിൽ നിന്ന് 17.365 ഗ്രാം എം.ഡി.എം.എ. പിടിച്ചെടുത്തതായി എക്‌സൈസ് അറിയിച്ചു. വിൽപ്പനയ്ക്കായി കൊണ്ടുവന്ന മയക്കുമരുന്നാണ് ഇയാളിൽ നിന്ന് പിടിച്ചെടുത്തതെന്നും എക്‌സൈസ് വ്യക്തമാക്കി. സംഭവത്തിൽ പുതുക്കാട് എക്സൈസ് പോലീസ് അന്വേഷണം ഊർജിതമാക്കി.

അതിനിടെ, വാളയാർ ചെക്ക് പോസ്റ്റിൽ കെ.എസ്.ആർ.ടി.സി. ബസിൽ നടത്തിയ പരിശോധനയിൽ 3.5 കിലോഗ്രാം കഞ്ചാവുമായി രണ്ട് ബീഹാർ സ്വദേശികളെയും എക്‌സൈസ് പിടികൂടി.