മോഷ്ടിച്ച ബൈക്കിൽ കറങ്ങി മോഷണം നടത്തുന്ന യുവാക്കൾ പിടിയിൽ
കാലടി: മോഷ്ടിച്ച ബൈക്കിൽ കറങ്ങി അടുത്ത മോഷണത്തിന് പദ്ധതിയിടുന്നതിനിടയിൽ യുവാക്കൾ പൊലീസ് പിടിയിൽ. കാലടി കൈപ്പട്ടൂർ ഇഞ്ചയ്ക്കക്കല അയ്യനാർക്കര വീട്ടിൽ മനോജ് (20), മറ്റൂർ പാറപ്പുറംഎടനാ വീട്ടിൽ ഹരികൃഷ്ണൻ (20), ആറ്റിപ്പുഴക്കാവ് അമ്പലത്തിന് സമീപം വാടക്കയ്ക്ക് താമസിക്കുന്ന മലയാറ്റൂർ ഇല്ലിത്തോട് മങ്ങാട്ട് മോളയിൽ വീട്ടിൽ സീൻസോ (18) പ്രായപൂർത്തിയാകാത്തയാൾ എന്നിവരാണ് ആലുവ പൊലീസിന്റെ പിടിയിലായത്.
മാർക്കറ്റ് മേൽപ്പാലത്തിന് താഴേയുള്ള പാർക്കിങ് ഗ്രൗണ്ടിൽ നിന്നും ബിബിൻ ജോസഫ് എന്നയാളുടെ പൾസർ ബൈക്ക് ,യുസി കോളേജിനു സമീപം ശ്രീസായി എന്നയാളുടെ വീട്ടിൽ നിന്ന് രണ്ടര ലക്ഷം രൂപ വിലവരുന്ന ബൈക്ക്, 76000 രൂപ, 38000 രൂപ വിലവരുന്ന ഫോണുകൾ എന്നിവയാണ് മോഷ്ടിക്കപ്പെട്ടത്. മോഷ്ടിച്ച ബൈക്കിലെ നമ്പർ പ്ലേറ്റ് മാറ്റിയാണ് ഇവർ ഉപയോഗിച്ചു കൊണ്ടിരുന്നത്. അന്വേഷണ സംഘത്തിൽ ഇൻസ്‌പെക്ടർ എം.എം മഞ്ജു ദാസ്, എസ്‌ഐ എസ്.എസ്ശ്രീലാൽ എസ്.സി.പി.ഒ കെ.പി.സജീവ്, സി.പി.ഒമാരായ എൻ.എ.മുഹമ്മദ് അമീർ, കെ.എം.മനോജ്, വി.എ.അഫ്‌സൽ, പി.എം.മുഹമ്മദ് സലിം എന്നിവരാണ് ഉണ്ടായിരുന്നത്
