വയോധികയെ വെട്ടിപ്പരിക്കേൽപ്പിച്ച കേസിൽ രണ്ട് പേർ പൊലീസ് പിടിയിൽ

തിരുവല്ല: വയോധികയെ വെട്ടിപ്പരിക്കേൽപ്പിച്ച കേസിൽ രണ്ട് പേർ പൊലീസ് പിടിയിൽ. തിരുവല്ല കല്ലുങ്കൽ മംഗലപറമ്പിൽ കൃപാലയം വീട്ടിൽ ശോശാമ്മ ഫിലിപ്പിനാണ് വെട്ടേറ്റത്.

തിങ്കളാഴ്ച രാത്രിയാണ് ശോശാമ്മയ്ക്ക് വെട്ടേറ്റത്. തിരുവല്ലയിലെ കല്ലുങ്കലിൽ ആറംഗ സംഘമാണ് വടിവാൾ ഉൾപ്പെടെയുള്ള മാരകായുധങ്ങളുമായി ആക്രമണം നടത്തിയത്. വെട്ടേറ്റ ശോശാമ്മ താലൂക്ക് ആശുപത്രിയിൽ ചികിത്സ തേടിയിരുന്നു. കേസിൽ നാല് പ്രതികൾ കൂടി ഇനി പിടിയിലാവാനുണ്ട്.