ആയിരം രൂപ കമ്മീഷനായി ബെംഗളൂരു ബസില്‍ എം.ഡി.എം.എ കടത്തി; കാരിയറായ കണ്ണൂര്‍ സ്വദേശി അറസ്റ്റില്‍

കണ്ണൂര്‍ : തലശേരി നഗരത്തില്‍ എം.ഡി.എം.എയുമായി കാരിയറായ ചിറക്കല്‍ സ്വദേശിയായ യുവാവിനെ എക്‌സൈസ് പിടികൂടി. 4.87 ഗ്രാം എം. ഡി എം.എ യുമായാണ് ചിറക്കല്‍ സ്വദേശി ആകാശ് കുമാറിനെ അറസ്റ്റുചെയ്തത്. ഇന്നലെ രാത്രി ബംഗ്‌ളൂരില്‍ നിന്നും ബസില്‍ തലശേരിയിലെത്തിയതായിരുന്നു പ്രതി.

രഹസ്യവിവരം ലഭിച്ചതുപ്രകാരം തലശേരി എക്‌സൈസ് റേഞ്ച് ഇന്‍സ്‌പെക്ട് സുബിന്‍ രാജും സംഘവും നടത്തിയ റെയ്ഡിലാണ് മയക്കുമരുന്നു മായി യുവാവിനെ പിടികൂടിയത്. കണ്ണൂര്‍ നഗരത്തിന്റെ വിവിധ ഭാഗങ്ങളില്‍ വില്‍പ്പന നടത്തുന്നവര്‍ക്ക് വേണ്ടിയാണ് എം.ഡി.എം.എ എത്തിച്ചതെന്ന് ആകാശ് മൊഴി നല്‍കിയിട്ടുണ്ട്.

വെറും ആയിരം രൂപ മുഖ്യ വിതരണക്കാരില്‍ നിന്നും കമ്മിഷന്‍ കിട്ടാനാണ് മയക്കുമരുന്ന് കടത്തിയതെന്ന് ആകാശ് മൊഴി നല്‍കിയിട്ടുണ്ട്.

ഇയാളെ ചോദ്യം ചെയ്തതിനു ശേഷം എന്‍.ഡി.പി. എസ് കേസെടുത്ത് കോടതിയില്‍ ഹാജരാക്കി റിമാന്‍ഡ് ചെയ്തു.