കൊല്ലം പനയത്ത് യുവാവിനെ കുത്തി കൊലപ്പെടുത്തി; മറ്റൊരാള്‍ക്ക് പരുക്കേറ്റു; മദ്യപാനത്തെ തുടര്‍ന്നുള്ള തര്‍ക്കമെന്ന് പൊലീസ്; പ്രതി കസ്റ്റഡിയില്‍

കൊല്ലം: കൊല്ലം പനയത്ത് മദ്യപാനത്തെ തുടര്‍ന്നുണ്ടായ തര്‍ക്കത്തില്‍ യുവാവിനെ കുത്തി കൊലപ്പെടുത്തി. ചെമ്മക്കാട് ചാറുകാട് സ്വദേശി അനില്‍കുമാര്‍ (35) ആണ് മരിച്ചത്. സുഹൃത്തായ ധനേഷിന് കുത്തേറ്റിട്ടുണ്ട്. ഇരുവരെയും കുത്തി പരുക്കേല്‍പ്പിച്ച അജിത്ത് (36) പൊലീസ് കസ്റ്റഡിയിലാണ്.

പനയം ക്ഷേത്രത്തിലെ ഉത്സവ ഘോഷയാത്ര കടന്നു പോയതിനുശേഷം പ്രധാന റോഡില്‍ ആയിരുന്നു സംഭവം. ഇവര്‍ ഒന്നിച്ച് പരസ്യമായി മദ്യപാനം നടത്തി വരുന്ന വഴിയുണ്ടായ തര്‍ക്കമാണ് കൊലപാതകത്തില്‍ കലാശിച്ചത്.