കണ്ണൂര്‍ സ്വദേശിയായ യുവാവ് ദുബൈയില്‍ മരണമടഞ്ഞു; മൃതദേഹം നാട്ടിലെത്തിക്കും

ഇരിട്ടി: കണ്ണൂര്‍ ജില്ലക്കാരനായ പ്രവാസി ഗള്‍ഫില്‍ മരണമടഞ്ഞു.ഇരിട്ടി പൈസക്കരി സ്വദേശിയായ യുവാവാണ് ദുബൈയില്‍ മരണമടഞ്ഞത്.കുടുക്കച്ചിറ വീട്ടില്‍ തോമസ് കെ. എബ്രഹാമാണ് (30) ദുബൈയില്‍ മരണമടഞ്ഞത് എബ്രഹാം - ലീലാമ്മ ദമ്പതികളുടെ മകനാണ്. ദുബൈ ജബല്‍ അലിയിലെ സ്വകാര്യ സ്ഥാപനത്തില്‍ അക്കൗണ്ടന്റായിരുന്നു.

ദേഹാസ്വാസ്ഥ്യത്തെ തുടര്‍ന്ന് വിശ്രച്ചിച്ചിരുന്ന എബ്രഹാമിനെ താമസ സ്ഥലത്ത് സഹപ്രവര്‍ത്തകര്‍ മരിച്ച നിലയില്‍ കണ്ടെത്തുകയായിരുന്നു. നിയമനടപടികള്‍ പൂര്‍ത്തിയാക്കി മൃതദേഹം നാട്ടിലേക്ക് കൊണ്ടുവരും. സഹോദരങ്ങള്‍: ഷിജി (എടപ്പുഴ) ജോസ്, ജേക്കബ് ( അയര്‍ലന്‍ഡ് ) ജെയ്‌സി (ഫോറസ്റ്റ് ഓഫീസര്‍ ആറളം).