കണ്ണൂരില്‍ കാണാതായ മുന്‍ സഹകരണ ജീവനക്കാരനെ തീകൊളുത്തി മരിച്ച നിലയില്‍ കണ്ടെത്തി; അസ്വാഭാവിക മരണത്തിന് കേസെടുത്ത് പോലീസ് അന്വേഷണം തുടങ്ങി

കണ്ണൂര്‍: കണ്ണൂരില്‍കാണാതായ മുന്‍ സഹകരണ ബാങ്ക് ജീവനക്കാരനെ തീ കൊളുത്തി മരിച്ച നിലയില്‍കണ്ടെത്തി. നടുവില്‍ ബാലവാടിക്കു സമീപത്തെ കെ.വി.ഗോപിനാഥന്‍ (70) എന്നയാളെ കഴിഞ്ഞ ദിവസം മുതല്‍ കാണാതായിരുന്നു. കുടിയാന്‍ മല എസ് എച്ച് ഒ , എം.എന്‍ ബിജോയ്,എസ്.ഐ പ്രകാശന്‍ പടിക്കല്‍ എന്നിവര്‍ സ്ഥലത്തെത്തി പ്രാഥമിക അന്വേഷണം നടന്നുവരികയാണ്.

മൃതദേഹം പൊലിസ് ഇന്‍ക്വസ്റ്റ് നടപടികള്‍ക്കു ശേഷം പരിയാരത്തെ കണ്ണൂര്‍ മെഡിക്കല്‍ കോളേജ് ആശുപത്രി മോര്‍ച്ചറിയിലേക്ക് മാറ്റി. സംഭവത്തില്‍ പൊലിസ് അസ്വാഭാവിക മരണത്തിന് കേസെടുത്ത് അന്വേഷണമാരംഭിച്ചിട്ടുണ്ട്.