ബംഗാളിലെ വനിതാ ഡോക്ടറുടെ കൊലപാതകം; കേരളത്തില് യുവ ഡോക്ടര്മാര് നാളെ കരിദിനം ആചരിക്കും
തിരുവനന്തപുരം: കൊല്ക്കത്തയിലെ വനിതാ ഡോക്ടറെ ബലാത്സംഗം ചെയ്തു കൊലപ്പെടുത്തിയ സംഭവത്തില് കേരളത്തിലും പ്രതിഷേധം ശക്തം. കേരളത്തില് യുവ ഡോക്ടര്മാര് നാളെ ഒപിയും വാര്ഡ് ഡ്യൂട്ടിയും ബഹിഷ്കരിച്ച് സമരം ചെയ്യും. പിജി ഡോക്ടര്മാരും സീനിയര് റസിഡന്റ് ഡോക്ടര്മാരും സെന്ട്രല് പ്രൊട്ടക്ഷന് ആക്ട് നടപ്പാക്കണമെന്ന് എന്നാവശ്യപ്പെട്ടാണ് സമരം ചെയ്യുന്നത്. ഉത്തരവാദിത്തപ്പെട്ട ഉദ്യോഗസ്ഥരെ പുറത്താക്കണം, യുവ ഡോക്ടറുടെ കൊലപാതകത്തില് ഉള്പ്പെട്ട എല്ലാവരെയും 48 മണിക്കൂറിനകം പിടികൂടണമെന്നുമാണ് ഇവര് ഉയര്ത്തുന്ന ആവശ്യം. അതേസമയം, അത്യാഹിത വിഭാഗങ്ങളില് സേവനം ഉണ്ടാകും. ജോയിന്റ് ആക്ഷന് ഫോറത്തിന്റെ […]
തിരുവനന്തപുരം: കൊല്ക്കത്തയിലെ വനിതാ ഡോക്ടറെ ബലാത്സംഗം ചെയ്തു കൊലപ്പെടുത്തിയ സംഭവത്തില് കേരളത്തിലും പ്രതിഷേധം ശക്തം. കേരളത്തില് യുവ ഡോക്ടര്മാര് നാളെ ഒപിയും വാര്ഡ് ഡ്യൂട്ടിയും ബഹിഷ്കരിച്ച് സമരം ചെയ്യും. പിജി ഡോക്ടര്മാരും സീനിയര് റസിഡന്റ് ഡോക്ടര്മാരും സെന്ട്രല് പ്രൊട്ടക്ഷന് ആക്ട് നടപ്പാക്കണമെന്ന് എന്നാവശ്യപ്പെട്ടാണ് സമരം ചെയ്യുന്നത്.
ഉത്തരവാദിത്തപ്പെട്ട ഉദ്യോഗസ്ഥരെ പുറത്താക്കണം, യുവ ഡോക്ടറുടെ കൊലപാതകത്തില് ഉള്പ്പെട്ട എല്ലാവരെയും 48 മണിക്കൂറിനകം പിടികൂടണമെന്നുമാണ് ഇവര് ഉയര്ത്തുന്ന ആവശ്യം. അതേസമയം, അത്യാഹിത വിഭാഗങ്ങളില് സേവനം ഉണ്ടാകും. ജോയിന്റ് ആക്ഷന് ഫോറത്തിന്റെ ഭാഗമായാണ് കേരളത്തില് കെഎംപിജിഎ സമരം പ്രഖ്യാപിച്ചത്.
കെജിഎംഒഎ നാളെ പ്രതിഷേധ സൂചകമായി കരിദിനമായി ആചരിക്കും. ശ്രീചിത്ര മെഡിക്കല് ഇന്സ്റ്റിറ്റ്യൂട്ടിലെ റസിഡന്റ് ഡോക്ടര്മാരും നാളെ സമരത്തിന്റെ ഭാഗമാകും. ഇതിനോടനുബന്ധിച്ച് എല്ലാ ആരോഗ്യ സ്ഥാപനങ്ങളിലും പ്രതിഷേധ യോഗങ്ങള് സംഘടിപ്പിക്കുമെന്നും കെജിഎംഒഎ അറിയിച്ചു.
ഇത്തരത്തിലുള്ള സംഭവങ്ങള് ആവര്ത്തിക്കാതിരിക്കുന്നതിനും ആരോഗ്യ പ്രവര്ത്തകര്ക്ക് സുരക്ഷിതമായ തൊഴിലിടങ്ങള് ഉറപ്പാക്കുന്നതിനുമായി കെ.ജി.എം.ഒ.എ ഓഗസ്റ്റ് 18 മുതല് 31 വരെ എല്ലാ ആരോഗ്യസ്ഥാപനങ്ങളിലും സുരക്ഷാ ക്യാമ്പയിനും നടത്തും.
