ഓരോ ദിവസവും ക്രൂര കൃത്യങ്ങൾ വർധിക്കുന്നു; ലഹരി ബോധത്തിൽ കുത്തഴിഞ്ഞ് നിരവധി ജീവനുകൾ; കേരളത്തിലെ ലഹരി മാഫിയയെ കണ്ടെത്താൻ ഇടപെടൽ വേണം; അമിത് ഷായ്ക്ക് കത്തയച്ചു

കൊച്ചി: സംസ്ഥാനത്ത് ഇപ്പോൾ ഓരോ ദിവസവും ക്രൂര കൃത്യങ്ങൾ വർധിച്ചുവരുകയാണ്. മനുഷ്യ മനസാക്ഷിയെ തന്നെ ഞെട്ടിപ്പിക്കുന്ന തരത്തിലാണ് കൊടും ക്രൂരത അരങേറുന്നത്. ഇപ്പോഴിതാ, കേരളത്തിലെ ലഹരി മാഫിയയെ കണ്ടെത്താൻ കേന്ദ്ര ഇടപെടൽ വേണമെന്നാവശ്യപ്പെട്ട് കേന്ദ്ര ആഭ്യന്തര മന്ത്രി അമിത് ഷായ്ക്ക് കത്തയച്ച് അധികൃതർ.

ബിജെപി മധ്യമേഖല അധ്യക്ഷൻ എൻ ഹരിയാണ് കേന്ദ്രത്തിന് കത്ത് അയച്ചിരിക്കുന്നത്. ലഹരി മാഫിയയുടെ സ്രോതസ് കണ്ടെത്താൻ കേന്ദ്ര ഏജൻസികളുടെ അന്വേഷണം വേണമെന്നാണ് പ്രധാന ആവശ്യം. സമീപ കാലത്തെ സംഭവങ്ങൾ ചൂണ്ടിക്കാട്ടി കേരളം ലഹരി മാഫിയയുടെ പിടിയിലാകുകയാണെന്നും ഇടപെടൽ വേണമെന്നുമാണ് കത്തിലെ പ്രധാന ആവശ്യം.