സ്റ്റേഷനിലെത്തിയ പ്രാദേശിക നേതാവിനെ ലോക്കപ്പിലിട്ട് തല്ലിച്ചതച്ച സംഭവം; ഡിവൈഎസ്പി പി എം മനോജിന് സസ്പെൻഷൻ; ഉത്തരവ് പുറത്തിറക്കി ആഭ്യന്തര വകുപ്പ്

തിരുവനന്തപുരം: പരാതിയുമായി സ്റ്റേഷനിലെത്തിയ പ്രാദേശിക നേതാവിനെ മർദിച്ച കേസിൽ ഡിവൈഎസ്പി പി.എം. മനോജിനെ സർവീസിൽ നിന്ന് സസ്പെൻഡ് ചെയ്തു. കോടതി ശിക്ഷിച്ച ഉദ്യോഗസ്ഥനെതിരെയാണ് ആഭ്യന്തര വകുപ്പിൻ്റെ നടപടി.

2011-ൽ പി.എം. മനോജ് വടകര എസ്.ഐ. ആയിരിക്കുമ്പോഴാണ് കേസിനാസ്പദമായ സംഭവം നടന്നത്. പരാതിക്കാരനെ മർദിക്കുകയും അന്യായമായി ലോക്കപ്പിലിടുകയും ചെയ്തു എന്നതായിരുന്നു കേസ്. കേസ് നടന്ന കാലയളവിൽ പ്രൊമോഷനുകൾ ലഭിച്ചിരുന്നുവെങ്കിലും, അധികാര ദുർവിനിയോഗം നടത്തിയെന്ന് ആഭ്യന്തര വകുപ്പ് കണ്ടെത്തിയതിനെ തുടർന്നാണ് സസ്പെൻഷൻ.