നിലമ്പൂർ: ആക്ഷന് പ്രാധാന്യം നൽകി ഒരുക്കിയ 'കടകൻ' എന്ന ചിത്രത്തിനു ശേഷം സജിൽ മമ്പാട് സംവിധാനം ചെയ്യുന്ന പുതിയ ചിത്രം 'ഡർബി'യുടെ ചിത്രീകരണം നിലമ്പൂരിൽ ആരംഭിച്ചു. ക്യാമ്പസ് പശ്ചാത്തലത്തിൽ ഒരുങ്ങുന്ന ഈ 'ന്യൂജൻ ഫൺ ആക്ഷൻ മൂവി' ഡിമാൻസ് ഫിലിം ഫാക്ടറിയുടെ ബാനറിൽ മൻസൂർ അബ്ദുൾ റസാഖാണ് നിർമ്മിക്കുന്നത്.

'ഡർബി' എന്ന വാക്കിന് 'മത്സരം' എന്നാണ് ഉദ്ദേശിക്കുന്നത്. ഒരു പക്കാ മാസ് എന്റർടൈനർ ആയിരിക്കും ചിത്രമെന്ന് സംവിധായകൻ അറിയിച്ചു. ആദം സാബിക്ക്, ഹരി ശിവറാം, അമീൻ, അനു, ഋഷി എൻ.കെ എന്നിവരാണ് ചിത്രത്തിൽ പ്രധാന വേഷങ്ങളിൽ എത്തുന്നത്. നായികമാരായി ആൻ മെർലെറ്റ്, നോയില ഫ്രാൻസി, സുപർണ്ണ എസ് എന്നിവർ അണിനിരക്കുന്നു. നിലമ്പൂരും സമീപപ്രദേശങ്ങളുമാണ് ചിത്രത്തിന്റെ പ്രധാന ലൊക്കേഷനുകൾ.

സാഗർ സൂര്യ, ഫ്രാങ്കോ ഫ്രാൻസിസ്, ജോണി ആന്റണി, ശബരീഷ് വർമ, അബു സലിം, ശിവരാജ്, കൊല്ലം ഷാഫി, പ്രദീപ് ബാലൻ, ദിവ്യ എം. നായർ തുടങ്ങിയ പ്രമുഖ താരങ്ങളും ചിത്രത്തിലുണ്ട്. ഗോപി സുന്ദറാണ് ചിത്രത്തിന് സംഗീതമൊരുക്കുന്നത്. സെഹ്‌റു സുഹറ, അമീർ സുഹൈൽ എന്നിവർ തിരക്കഥ ഒരുക്കിയിരിക്കുന്നു. അഭിനന്ദൻ രാമാനുജമാണ് ഛായാഗ്രഹണം നിർവ്വഹിക്കുന്നത്.

ഡർബികടകൻസജിൽ മമ്പാട്

സ്വന്തം ലേഖകൻ