തിരുവനന്തപുരം: പുളിങ്കുടി ബീച്ചിൽ ഒന്ന് കുളിക്കാനായി ഇറങ്ങിയ വിദേശ വനിത മുങ്ങി മരിച്ച നിലയിൽ. തിരുവനന്തപുരം കോവളത്തിന് സമീപമുള്ള ബീച്ചിലാണ് ദാരുണ സംഭവം നടന്നത്. ഇവർ അപകടത്തിൽപ്പെടുന്നത് കണ്ട് രക്ഷിക്കാനിറങ്ങിയ വിദേശ പൗരനെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചു.

അമേരിക്കൻ പൗരത്വമുള്ള ബ്രിജിത്ത് ഷാര്‍ലറ്റ് എന്ന യുവതിയാണ് അതിദാരുണമായി മരിച്ചത്. ഇന്ന് ഉച്ചയോടെയാണ് സംഭവം നടന്നത്. കടലിൽ കുളിക്കാനിറങ്ങിയ ബ്രിജിത്ത് ഷാര്‍ലറ്റ് ശക്തമായ തിരയിലകപ്പെടുകയായിരുന്നു. ഉടനെ തിരയിലകപ്പെട്ട ഇവരെ രക്ഷപ്പെടുത്തുന്നതിനിടയിലാണ് വിദേശ പൗരനും അപകടത്തിൽപ്പെടുന്നത്.

ഷാര്‍ലറ്റിനെ വിഴിഞ്ഞം സാമൂഹികാരോഗ്യ കേന്ദ്രത്തിലെത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. രക്ഷിക്കാനിറങ്ങിയ വിദേശ പൗരനെ സ്വകാര്യ ആശുപത്രിയിലെ ഐസിയുവിലേക്ക് മാറ്റിയിട്ടുണ്ട്. കടലിൽ ആരും ഇറങ്ങരുതെന്ന് അധികൃതർ നിർദ്ദേശം നൽകിയിട്ടുണ്ട്.

കടൽവിദേശ വനിതാമുങ്ങി മരിച്ചു

സ്വന്തം ലേഖകൻ