കണ്ടാല്‍ പാല്‍പാത്രം; ഉള്ളില്‍ ചന്ദനം; 26 കിലോ ചന്ദനം കക്ഷണങ്ങളാക്കി ഒളിപ്പിച്ചു; പ്രതി ഓടി രക്ഷപ്പെട്ടു; പ്രതിക്കായി തിരിച്ചില്‍ ആരംഭിച്ച് വനംവകുപ്പ്

ഇടുക്കി: മുറിച്ച് കക്ഷണങ്ങളാക്കി ഒളിപ്പിച്ച ചന്ദനം വനം വകുപ്പ് ഉദ്യോഗസ്ഥര്‍ കണ്ടെത്തി. വീടിനുള്ളില്‍ പാല്‍പാത്രത്തില്‍ ഒളിപ്പിച്ച 26 കിലോ ചന്ദനമാണ് വനം വകുപ്പ് കണ്ടെത്തിയത്. വീട്ടില്‍ ഉണ്ടായിരുന്ന പ്രതി രമേശ് ഓടി രക്ഷപ്പെട്ടു. നാച്ചി വയല്‍ചന്ദന റിസര്‍വില്‍ നിന്നും മുറിച്ചുകടത്തിയ നാല് ചന്ദനം മരങ്ങളുടെ ചന്ദന കഷ്ണങ്ങള്‍ വീടിനുള്ളില്‍ നിന്ന് കണ്ടെടുക്കുകയായിരുന്നു.

നാഗര്‍ പള്ളത്ത് വാടകയ്ക്ക് താമസിക്കുന്ന രമേശിന്റെ വീടിനുള്ളിലാണ് പാല്‍പ്പാത്രത്തില്‍ ഒളിപ്പിച്ചു വച്ചിരുന്ന നിലയില്‍ 26 കിലോ ചന്ദനം കണ്ടെത്തിയത്. ചന്ദനം മുറിക്കാന്‍ ഉപയോഗിച്ച് വാള്, കത്തി എന്നിവ നാച്ചിവയല്‍ സ്റ്റേഷനിലെ ഉദ്യോഗസ്ഥര്‍ പരിശോധനയില്‍ കണ്ടെടുത്തു. പ്രതിക്കായി തിരിച്ചില്‍ ഊര്‍ജിതപ്പെടുത്തി.