വിവാഹ വാഗ്ദാനം നൽകി പീഡിപ്പിച്ചു; ഗർഭിണിയായ യുവതിയെ പറ്റിച്ചു കടന്ന 20 കാരൻ പിടിയിൽ

തൃപ്പൂണിത്തുറ:പെൺകുട്ടിയെ വിവാഹ വാഗ്ദാനം നൽകി പീഡിപ്പിച്ച 20 കാരൻ അറസ്റ്റിൽ.പൊന്നുരുന്നി റിവർ ലൈൻ റോഡ് പുത്തൻപുരക്കൽ വീട്ടിൽ അർഷൽകുമാർ (20)നെയാണ് ഹിൽപാലസ് പൊലീസ് ഇൻസ്പെക്ടറുടെ നേതൃത്വത്തിലുള്ള സംഘം അറസ്റ്റ് ചെയ്തത്. തൃപ്പൂണിത്തുറയിലെ ഒരു വ്യാപാര സ്ഥാപനത്തിൽ ജോലി ചെയ്തു വരികയായിരുന്ന യുവതിയെയാണ് ഇയാൾ അടുപ്പം നടിച്ച് ഗർഭിണിയാക്കിയ ശേഷം കടന്നു കളഞ്ഞത്.

തുടർന്ന് ഗർഭഛിദ്രം നടത്തിയാൽ വിവാഹം കഴിക്കാമെന്ന് ഇയാൾ യുവതിയോട് പറഞ്ഞു.എന്നാൽ ഗർഭഛിദ്രം നടത്തുന്നതിനു വേണ്ടി അർഷലുമായി ആശുപത്രിയിൽ പോകുന്നതിന് പലതവണ യുവതി ശ്രമിച്ചെങ്കിലും ഇയാൾ ഒഴിഞ്ഞുമാറുകയായിരുന്നു.ഇതേ തുടർന്നാണ് യുവതി പരാതിയുമായി പൊലീസിനെ സമീപിച്ചത്.

പരാതി കൊടുത്ത വിവരമറിഞ്ഞ് അർഷൽ യുവതിയെ ഭീഷണിപ്പെടുത്തി പരാതി പിൻവലിക്കാൻ ശ്രമിച്ചിരുന്നതായും പൊലീസ് പറഞ്ഞു.കേസ് പറഞ്ഞു തീർക്കാമെന്നു പറഞ്ഞ് യുവതിയെകൊണ്ട് അർഷലിനെ വിളിച്ചു വരുത്തിയശേഷം അറസ്റ്റു ചെയ്യുകയായിരുന്നു. കോടതിയിൽ ഹാജരാക്കിയ പ്രതിയെ റിമാന്റ് ചെയ്തു.