ഉന്നത വിദ്യാഭ്യാസ കൗൺസിൽ പുനഃസംഘടിപ്പിച്ചു; പ്രഫ. രാജൻ ഗുരുക്കളും ഡോ. രാജൻ വർഗീസും

തിരുവനന്തപുരം: മഹാത്മാഗാന്ധി സർവകലാശാല മുൻ വൈസ് ചാൻസലർ പ്രഫ. രാജൻ ഗുരുക്കൾ വൈസ് ചെയർമാനും മഹാത്മാഗാന്ധി സർവകലാശാല മുൻ പ്രോ വൈസ് ചാൻസലർ ഡോ. രാജൻ വർഗീസ് മെമ്പർ സെക്രട്ടറിയുമായി സംസ്ഥാന ഉന്നത വിദ്യാഭ്യാസ കൗൺസിൽ പുനഃസംഘടിപ്പിച്ചു. ഉന്നത വിദ്യാഭ്യാസ മന്ത്രി ഡോ. ആർ. ബിന്ദുവാണ് കൗൺസിൽ ചെയർപേഴ്‌സൻ.

എക്‌സിക്യൂട്ടീവ് ബോഡിയിൽ ഡോ. സജിഗോപിനാഥ് (വൈസ് ചാൻസലർ, കേരള ഡിജിറ്റൽ യൂനിവേഴ്‌സിറ്റി), ഡോ. സാബുതോമസ്, (മുൻ വൈസ്ചാൻസലർ, മഹാത്മാഗാന്ധി സർവകലാശാല), ഡോ. കെ.കെ. ദാമോദരൻ, (ദയ, വേങ്ങാട്, മലപ്പുറം), ഡോ. എം.എസ്. രാജശ്രീ (ടെക്‌നിക്കൽ എജുക്കേഷൻ ഡയറക്ടർ), പോൾ വി. കരന്താനം(ബോട്ടണി ഡിപ്പാർട്ട്‌മെന്റ്, പാലാ സെന്റ് തോമസ് കോളജ്), ഡോ. പി.പി. അജയകുമാർ (സീനിയർ പ്രഫസർ, സ്‌കൂൾ ഓഫ് ഡിസ്റ്റൻസ് എജുക്കേഷൻ, കേരള സർവകലാശാല) എന്നിവരാണ് അംഗങ്ങൾ. ഉന്നതവിദ്യാഭ്യാസ പ്രിൻസിപ്പൽ സെക്രട്ടറി എക്‌സിക്യൂട്ടീവ് ബോഡിയിൽ എക്‌സ് ഒഫിഷ്യോ അംഗമായിരിക്കും. നാല് വർഷമാണ് കൗൺസിലിന്റെ കാലാവധി.