ഐഎഎസ് തലപ്പത്ത് വീണ്ടും അഴിച്ചുപണി; വിശ്വനാഥ് സിന്‍ഹയ്ക്ക് ജലസേചന വകുപ്പിന്റെ ചുമതല; ശ്രീറാം വെങ്കിട്ടരാമന് കെ എഫ് സിയുടെ അധിക ചുമതല
തിരുവനന്തപുരം: സംസ്ഥാനത്തെ ഐ.എ.എസ് തലപ്പത്ത് വീണ്ടും അഴിച്ചു പണി. ശ്രീറാം വെങ്കിട്ടരാമന് കേരള ഫിനാന്‍ഷ്യല്‍ കോര്‍പറേഷന്റെ അധിക ചുമതല നല്‍കി. പി.ആര്‍.ഡി ഡയറക്ടറായി ടി.വി. സുഭാഷിനെ നിയമിച്ചു. ആഭ്യന്തര വകുപ്പ് സെക്രട്ടറി വിശ്വനാഥ് സിന്‍ഹയ്ക്ക് (അഡീഷണല്‍ ചീഫ് സെക്രട്ടറി) ജലസേചന വകുപ്പിന്റെയും കോസ്റ്റല്‍ ഷിപ്പിങ് ആന്‍ഡ് ഇന്‍ലാന്‍ഡ് നാവിഗേഷന്‍ വകുപ്പിന്റെയും അധിക ചുമതല കൂടി നല്‍കി. കേരള ജലസേചന അടിസ്ഥാന സൗകര്യ വികസന കോര്‍പ്പറേഷന്റെ ചുമതലയും ഉണ്ടായിരിക്കും. എംപ്ലോയ്‌മെന്റ് ആന്‍ഡ് ട്രെയിനിംഗ് ഡയറക്ടര്‍ ഡോക്ടര്‍ വീണ എന്‍. […]
തിരുവനന്തപുരം: സംസ്ഥാനത്തെ ഐ.എ.എസ് തലപ്പത്ത് വീണ്ടും അഴിച്ചു പണി. ശ്രീറാം വെങ്കിട്ടരാമന് കേരള ഫിനാന്‍ഷ്യല്‍ കോര്‍പറേഷന്റെ അധിക ചുമതല നല്‍കി. പി.ആര്‍.ഡി ഡയറക്ടറായി ടി.വി. സുഭാഷിനെ നിയമിച്ചു.
ആഭ്യന്തര വകുപ്പ് സെക്രട്ടറി വിശ്വനാഥ് സിന്‍ഹയ്ക്ക് (അഡീഷണല്‍ ചീഫ് സെക്രട്ടറി) ജലസേചന വകുപ്പിന്റെയും കോസ്റ്റല്‍ ഷിപ്പിങ് ആന്‍ഡ് ഇന്‍ലാന്‍ഡ് നാവിഗേഷന്‍ വകുപ്പിന്റെയും അധിക ചുമതല കൂടി നല്‍കി. കേരള ജലസേചന അടിസ്ഥാന സൗകര്യ വികസന കോര്‍പ്പറേഷന്റെ ചുമതലയും ഉണ്ടായിരിക്കും.
എംപ്ലോയ്‌മെന്റ് ആന്‍ഡ് ട്രെയിനിംഗ് ഡയറക്ടര്‍ ഡോക്ടര്‍ വീണ എന്‍. മാധവന് ഭരണ നവീകരണ വകുപ്പിന്റെ അധിക ചുമതല നല്‍കി. സഹകരണ വകുപ്പുകളുടെ അധിക ചുമതലയും ഉണ്ടായിരിക്കും.
ദേശീയ ആരോഗ്യ മിഷന്റെ സംസ്ഥാന മിഷന്‍ ഡയറക്ടറായ കെ ജീവന്‍ ബാബുവിനെ വാട്ടര്‍ അതോറിറ്റി എംഡിയായി നിയമിച്ചു. ഐടി മിഷന്‍ ഡയറക്ടര്‍ വിനയ് ഗോയലിനെ ദേശീയ ആരോഗ്യ മിഷന്‍ ഡയറക്ടറായും നിയമിച്ചു. സിവില്‍ സപ്ലൈസ് കണ്‍സ്യൂമര്‍ അഫയേഴ്‌സ് വകുപ്പ് കമ്മീഷണര്‍ ഡോ.ഡി സജിത് ബാബുവിനെ സഹകരണ വകുപ്പ് രജിസ്ട്രാറായി നിയമിച്ചു. പട്ടിക ജാതി വികസന വകുപ്പ് ഡയറക്ടര്‍ കെ ഗോപാലകൃഷ്ണന്‍ വ്യവസായ വകുപ്പ് ഡയറക്ടറാവും. പട്ടിക ജാതി വികസന വകുപ്പ് ഡയറക്ടറുടെ അധിക ചുമതലയും ഇദ്ദേഹത്തിന് ഉണ്ടായിരിക്കും.
കോപ്പറേറ്റീവ് സൊസൈറ്റീസ് രജിസ്ട്രാര്‍ സുഭാഷ് ടിവിയെ ഇന്‍ഫൊര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പ് ഡയറക്ടറായി നിയമിച്ചു.
