തിരുവനന്തപുരം: സിവിൽ എഞ്ചിനീയറിങ് ബിരുദധാരിയും എറണാകുളം സ്വകാര്യ കമ്പനി ജീവനക്കാരിയുമായ പൂവാർ പുത്തൻകട ജോയി ഭവനിൽ രാഖി മോളെ (30) കൊലപ്പെടുത്തിയ കേസിൽ വിചാരണ അന്തിമഘട്ടത്തിലെത്തി. 83 സാക്ഷികളെ ഇതിനോടകം വിസ്തരിച്ചു. 40 തൊണ്ടിമുതലുകൾ തെളിവിൽ സ്വീകരിച്ചു. 102, 114 എന്നീ സാക്ഷികളെ 7 ന് വിസ്തരിക്കും. തിരുവനന്തപുരം അഞ്ചാം അഡീഷണൽ ജില്ലാ. സെഷൻസ് കോടതി മുമ്പാകെയാണ് വിചാരണ അന്തിമഘട്ടത്തിലെത്തി നിൽക്കുന്നത്.

കേസിൽ രാഖിയുടെ മൃതദേഹം പൊലീസ് പ്രേത വിചാരണ ചെയ്യുന്നതിന്റെ സിഡികൾ പ്രതികൾക്ക് നൽകി. അന്വേഷണ ഉദ്യോഗസ്ഥനും ഫോട്ടോഗ്രാഫറും കോടതിയിൽ ഹാജരായാണ് 3 സി ഡികൾ കോടതിയിൽ ഹാജരാക്കിയത്. 2 പ്രതികളെ വീണ്ടും ഫെബ്രുവരി 7 ന് ഹാജരാക്കാൻ സെൻട്രൽ ജയിൽ സൂപ്രണ്ടിനോട് കോടതി ഉത്തരവിട്ടു. രണ്ടാം പ്രതി ജാമ്യത്തിലാണ്.

 

അഡ്വ പി നാഗരാജ്

    മറുനാടന്‍ മലയാളി ന്യൂസ് കോണ്‍ട്രിബ്യൂട്ടര്‍