സത്യപ്രതിജ്ഞാ ലംഘനം നടത്തിയ ധനമന്ത്രിയെ പുറത്താക്കണം; മുഖ്യമന്ത്രി എരിതീയിൽ എണ്ണ ഒഴിക്കുന്നു; കാനം രാജേന്ദ്രൻ വാ പോയ കോടാലിയാണെന്നും കെ സുരേന്ദ്രൻ

കോട്ടയം : ധനമന്ത്രിയെ പുറത്താക്കണമെന്ന് ബിജെപി സംസ്ഥാന അദ്ധ്യക്ഷൻ കെ.സുരേന്ദ്രൻ. സത്യപ്രതിജ്ഞാ ലംഘനമാണ് ധനമന്ത്രി നടത്തിയതെന്നും ധനമന്ത്രിയെ കൊണ്ട് മുഖ്യമന്ത്രി രാജിവയ്‌പ്പിക്കണമെന്നും സുരേന്ദ്രൻ ആവശ്യപ്പെട്ടു. ഗവർണർ -സർക്കാർ പോരിനെ കുറിച്ച് മാധ്യമങ്ങളോട് പ്രതികരിക്കുകയായിരുന്നു അദ്ദേഹം.

മുഖ്യമന്ത്രി എരിതീയിൽ എണ്ണയൊഴിക്കുകയാണെന്നും സംസ്ഥാനത്ത് ഭരണ പ്രതിസന്ധി ഉണ്ടാക്കരുതെന്നും അദ്ദേഹം പറഞ്ഞു.സി പി എം സംസ്ഥാന സെക്രട്ടറി എം.വി ഗോവിന്ദൻ പറയുന്ന പോലെ ഗവർണർ നിശ്ചയിച്ച മന്ത്രിമാർക്ക് എന്തെങ്കിലും പറയാൻ കഴിയില്ല. മണ്ടൻ തിരുമാനങ്ങളാണ് മന്ത്രിമാർ എടുക്കുന്നതെന്നും അദ്ദേഹം വ്യക്തമാക്കി.

ഗവർണറുടെ മനസിന്റെ പ്രീതി നഷ്ടപ്പെട്ടു എന്നതല്ല രാജ്യത്തിന്റെ അഖണ്ഡതയും ഐക്യവും ഇങ്ങനെയാണോ സംരക്ഷിക്കേണ്ടതെന്നും സുരേന്ദ്രൻ ചോദിച്ചു. ചാൻസിലറുടെ അധികാരത്തെ ഹൈക്കോടതി ഒരു ഘട്ടത്തിലും ചോദ്യം ചെയ്തിട്ടില്ല. സിപിഐ സംസ്ഥാന സെക്രട്ടറി കാനം രാജേന്ദ്രൻ വാ പോയ കോടാലിയാണെന്നും കെ .സുരേന്ദ്രൻ പറഞ്ഞു.