തിരുവനന്തപുരം: കേരളത്തിൽ നബിദിനത്തിനുള്ള പൊതുഅവധി സെപ്റ്റംബർ 27ൽ നിന്ന് 28ലേക്ക് മാറ്റണമെന്ന് ആവശ്യപ്പെട്ട് സമസ്ത കേരള ജംഇയ്യത്തുൽ ഉലമ ജനറൽ സെക്രട്ടറി കാന്തപുരം എ.പി അബൂബക്കർ മുസ്ലിയാർ മുഖ്യമന്ത്രി പിണറായി വിജയന് കത്ത് നൽകി.

മാസപ്പിറവി ദൃശ്യമായത് പ്രകാരം സംസ്ഥാനത്ത് നബിദിനം 28ന് ആചരിക്കാൻ ഖാസിമാരും മതപണ്ഡിതരും ഐകകണ്ഠ്യേന തീരുമാനിച്ച പശ്ചാത്തലത്തിലാണ് നടപടി സ്വീകരിക്കണമെന്ന് ആവശ്യപ്പെട്ട് കാന്തപുരത്തിന്റെ കത്ത്. മന്ത്രിമാരായ വി. അബ്ദുർറഹ്മാൻ, അഹ്മദ് ദേവർകോവിൽ എന്നിവർക്ക് കേരള മുസ്ലിം ജമാഅത്തും കത്ത് നൽകിയിട്ടുണ്ട്.