അറബിക്കടലില്‍ ഇന്നു ന്യൂനമര്‍ദത്തിനു സാധ്യത; കേരളത്തില്‍ കാലവര്‍ഷം നാലു ദിവസത്തിനകം എത്തുമെന്ന് പ്രവചനം

തിരുവനന്തപുരം: തെക്കു പടിഞ്ഞാറന്‍ കാലവര്‍ഷം നേരത്തേ കേരളത്തില്‍ എത്തും. 27ന് എത്തുമെന്നായിരുന്നു ആദ്യ പ്രവചനമെങ്കിലും 4 ദിവസത്തിനകം എത്തുമെന്നാണു പുതുക്കിയ പ്രവചനം. അറബിക്കടലില്‍ ഇന്നു ന്യൂനമര്‍ദത്തിനു സാധ്യതയേറി.

അടുത്ത 5 ദിവസം വ്യാപകമായ മഴയ്ക്കു സാധ്യതയുണ്ട്. വടക്കന്‍ ജില്ലകളിലാകും ഇന്നു മഴ ശക്തമാകുക. കാസര്‍കോട്, കണ്ണൂര്‍ ജില്ലകളില്‍ ഇന്ന് യെലോ അലര്‍ട്ട് പ്രഖ്യാപിച്ചു. അതിശക്തമായ മഴയ്ക്കു സാധ്യതയുള്ളതിനാല്‍ പത്തനംതിട്ട, ഇടുക്കി, എറണാകുളം, തൃശൂര്‍ ജില്ലകളില്‍ നാളെയും കോഴിക്കോട്, കണ്ണൂര്‍, വയനാട്, കാസര്‍കോട് ജില്ലകളില്‍ 24നും 25നും ഓറഞ്ച് അലര്‍ട്ട് ആണ്.