കുളിക്കടവിൽ രാജവെമ്പാലയുടെ തേർവാഴ്ച; വെള്ളത്തിൽ ഇറങ്ങാൻ പേടിച്ച് നാട്ടുകാർ; അടുത്താൽ ചീറ്റിയൊടിക്കും; നേരിൽ കണ്ട ഫോറസ്റ്റ് സ്ട്രെക്കിങ് ഫോഴ്സ് ചെയ്തത്

പത്തനംതിട്ട: കുളിക്കടവിൽ ഭീതി പടർത്തിയ രാജവെമ്പാലയെ ഒടുവിൽ പിടികൂടി. രാജവെമ്പാലയുടെ സ്ഥിരം സന്ദർശനം കാരണം നാട്ടുകാർക്ക് വെള്ളത്തിൽ ഇറങ്ങാൻ തന്നെ പേടി ആയിരിന്നു. ഇപ്പോഴിതാ പാമ്പിനെ പിടികൂടി എന്ന വാർത്തയാണ് പുറത്തുവരുന്നത്.

വെള്ളത്തിലിറങ്ങി അതി സാഹസികമായി രാജ വെമ്പാലയെ പിടികൂടി ഫോറസ്റ്റ് സ്ട്രെക്കിങ് ഫോഴ്സ്. പത്തനംതിട്ട സീതത്തോട് കോട്ടമൺപാറയിലാണ് കക്കാട്ടാറിൽ രാജവെമ്പാലയെ പിടികൂടാൻ റാന്നി റാപ്പിഡ് റെസ്പോൺസ് ടീമംഗങ്ങൾ എത്തിയത്. കുളിക്കടവിൽ രാജവെമ്പാലയെ സ്ഥിരമായി കാണുന്നതിനാൽ നദിയിൽ ഇറങ്ങാൻ ജനങ്ങൾക്ക് ഭീതി ആയിരുന്നു.

പിടിക്കാൻ എത്തിയവർക്ക് നേരെ രാജവെമ്പാല പലവട്ടം ചീറിയടുത്തു. തലനാരിഴക്കാണ് സംഘമൊഴിഞ്ഞു മാറിയത്. ഏറെനേരത്തെ പരിശ്രമത്തിനൊടുവിൽ ആണ് പാമ്പിനെ പിടികൂടാൻ ആയത്. ആദ്യമായാണ് വെള്ളത്തിൽ നിന്ന് പാമ്പിനെ പിടികൂടുന്നത്.