ചേർത്തലയിൽ നിന്നും ലോട്ടറി നൈസായിട്ട് തൂക്കി; ഏജന്റ് എന്ന വ്യാജേന കൊയിലാണ്ടിയിലെ ക‌ടയിലെത്തി കൈമാറി; കൈയ്യോടെ പൊക്കി

ആലപ്പുഴ: ചേർത്തലയിൽ നിന്ന് മോഷ്ടിച്ച ലോട്ടറി ടിക്കറ്റുകൾ കോഴിക്കോട് കൊയിലാണ്ടിയിലെ ഒരു കടയിൽ ഏജന്റ് എന്ന വ്യാജേന കൈമാറിയ പ്രതി അറസ്റ്റിൽ. വളമംഗലം സ്വദേശി ധനേഷാണ് പോലീസിന്റെ പിടിയിലായത്. മോഷ്ടിച്ച ലോട്ടറി ടിക്കറ്റുകൾ വ്യാജ ഏജന്റ് ചമഞ്ഞാണ് ഇയാൾ കൊയിലാണ്ടിയിലെ കടയുടമയ്ക്ക് കൈമാറിയത്. പിന്നീട് ഈ ടിക്കറ്റുകൾ ചേർത്തലയിൽ നിന്ന് മോഷണം പോയതാണെന്ന് തിരിച്ചറിഞ്ഞതിനെത്തുടർന്നാണ് സംഭവം പുറത്തറിഞ്ഞത്.

കടയുടമ പോലീസിൽ വിവരമറിയിച്ചതിനെത്തുടർന്ന് നടത്തിയ അന്വേഷണത്തിൽ സിസിടിവി ദൃശ്യങ്ങളിൽ നിന്നാണ് പ്രതിയെ തിരിച്ചറിഞ്ഞത്. നിരവധി മോഷണ കേസുകളിൽ ഉൾപ്പെട്ട ധനേഷിനെക്കുറിച്ച് പോലീസിന് മുമ്പേ സംശയമുണ്ടായിരുന്നു. ആറ് മാസം മുൻപ് ഇതേ കടയുടെ ഷട്ടർ തുറക്കാൻ ശ്രമിക്കുന്നതിനിടയിൽ ഇയാൾ പിടിയിലായിട്ടുണ്ട്. പ്രതിയെ പോലീസ് വീട്ടിലെത്തി കസ്റ്റഡിയിലെടുക്കുകയായിരുന്നു.