പുറത്തെ കാറ്റിലും മഴയിലും നിന്ന് രക്ഷനേടാൻ നേരെ ചെന്ന് കയറിയത് നിർമ്മാണം നടക്കുന്ന കെട്ടിടത്തിൽ; പിന്നാലെ കൂറ്റൻ കല്ല് ദേഹത്ത് പതിച്ച് മലയാളി യുവാവിന് ദാരുണാന്ത്യം; വേദനയോടെ കുടുംബം

റാസൽഖൈമ: യുഎഇയിലെ റാസൽഖൈമയിൽ കനത്ത മഴയ്ക്കും കാറ്റിനുമിടെ നിർമ്മാണം നടന്നുകൊണ്ടിരുന്ന കെട്ടിടത്തിൽ നിന്ന് കല്ല് ദേഹത്ത് പതിച്ച് മലയാളി യുവാവ് മരിച്ചു. മലപ്പുറം കൊടിഞ്ഞി സ്വദേശിയായ സൽമാൻ ഫാരിസ് (27) ആണ് ഇന്ന് പുലർച്ചെയുണ്ടായ അപകടത്തിൽ മരണപ്പെട്ടത്. പ്രതികൂല കാലാവസ്ഥയിൽ അഭയം തേടിയപ്പോഴാണ് അപകടം സംഭവിച്ചത്.

ഷവർമ കടയിലെ ജീവനക്കാരനായിരുന്ന സൽമാൻ ഫാരിസ്, റാസൽഖൈമയിൽ അനുഭവപ്പെട്ടുകൊണ്ടിരിക്കുന്ന ശക്തമായ കാറ്റിലും മഴയിലും സുരക്ഷയ്ക്കായി ഒരു നിർമ്മാണ കെട്ടിടത്തിന്റെ ചുവട്ടിൽ നിൽക്കുകയായിരുന്നു. കനത്ത കാറ്റിൽ റാസൽഖൈമയുടെ വിവിധ ഭാഗങ്ങളിൽ വ്യാപകനാശം റിപ്പോർട്ട് ചെയ്യപ്പെട്ടിട്ടുണ്ട്.