കളമശ്ശേരി: ബാത്റൂമിൽ രാത്രി വീട്ടമ്മ കുളിക്കുന്നത് വെന്റിലേറ്ററിൽ കൂടി മൊബൈലിൽ പകർത്തിയ യുവാവ് പിടിയിലായി. ഗുരുവായൂർ ഇരിങ്ങപ്പുറം പൊലിയത്ത് വീട്ടിൽ പ്രണവി (22) നെയാണ് കളമശ്ശേരി പൊലീസ് അറസ്റ്റ് ചെയ്തത്.

കളമശ്ശേരിയിലെ കാർ ഷോറൂമിൽ ടെക്നീഷ്യനാണ് ഇയാൾ. വീട്ടമ്മ താമസിക്കുന്ന അപ്പാർട്ട്മെന്റിനു സമീപം ഹോസ്റ്റലിലാണ് താമസിക്കുന്നത്. വീഡിയോ പിടിക്കുന്നതു കണ്ട വീട്ടമ്മ നിലവിളിച്ചപ്പോൾ ഇയാൾ ഓടിപ്പോയി. തുടർന്ന് സ്ഥലത്തെത്തിയ കളമശ്ശേരി പൊലീസ് സി.സി.ടി.വി. ദൃശ്യങ്ങൾ പരിശോധിച്ച് പ്രതിയെ പിടികൂടി.