മറയൂരില്‍ വിനോദ സഞ്ചാരികള്‍ക്ക് നേരെ പാഞ്ഞടുത്ത് കാട്ടാന പടയപ്പ; നിലവിളിച്ചോടി ആളുകൾ; രക്ഷപ്പെട്ടത് തലനാരിഴയ്ക്ക്; ദൃശ്യങ്ങൾ വൈറൽ

ഇടുക്കി: മറയൂരില്‍ വീണ്ടും കാടിറങ്ങി പടയപ്പ. കാടിറങ്ങി എത്തിയ പടയപ്പ കാട്ടാന വിനോദ സഞ്ചാരികള്‍ക്ക് നേരെ പാഞ്ഞടുത്തു.പിന്നാലെ ആളുകൾ കൂട്ടത്തോടെ ഭയന്ന് നിലവിളിച്ചോടി. തലയാറില്‍ തിങ്കളാഴ്ച രാത്രിയാണ് സംഭവം നടന്നത്.

കാറില്‍ നിന്ന് ഇറങ്ങിയോടിയ സഞ്ചാരികള്‍ക്ക് നേരെ കാട്ടാന പാഞ്ഞടുക്കുകയായിരുന്നു. തലനാരിഴയ്ക്കാണ് സഞ്ചാരികള്‍ ആനയുടെ ആക്രമണത്തില്‍നിന്ന് രക്ഷപ്പെട്ടത്. സംഭവം കണ്ടുനിന്ന ചിലര്‍ സഞ്ചാരികളോട് ഓടാന്‍ പറയുന്നതും വിഡിയോയിൽ ഉണ്ട്.