കോവളം പിടിക്കാന് 'റൂഫസ് തന്ത്രം'; എല്ഡിഎഫ് സ്വതന്ത്രനായി ഭഗത് റൂഫസ് കളത്തിലിറങ്ങുന്നു
തിരുവനന്തപുരം: നിയമസഭാ തിരഞ്ഞെടുപ്പില് നിര്ണ്ണായകമായ കോവളം മണ്ഡലം തിരിച്ചുപിടിക്കാന് അപ്രതീക്ഷിത നീക്കവുമായി ഇടതുമുന്നണി. ഏപ്രില് 9-ന് നടക്കുന്ന വോട്ടെടുപ്പില് കോവളം നിയോജക മണ്ഡലത്തിലെ എല്ഡിഎഫ് സ്വതന്ത്ര സ്ഥാനാര്ത്ഥിയായി ഭഗത് റൂഫസിനെ പ്രഖ്യാപിച്ചു. എല്ഡിഎഫ് സംസ്ഥാന കമ്മിറ്റിയാണ് തീരുമാനം ഔദ്യോഗികമായി അറിയിച്ചത്.
തീരദേശ മേഖലയിലും ന്യൂനപക്ഷ വിഭാഗങ്ങള്ക്കിടയിലും സ്വാധീനമുള്ള ഒരു സ്ഥാനാര്ത്ഥിയെ രംഗത്തിറക്കുന്നതിലൂടെ കോവളത്തെ സിറ്റിംഗ് സീറ്റ് പിടിച്ചെടുക്കാമെന്നാണ് ഇടതുമുന്നണിയുടെ കണക്കുകൂട്ടല്. മുന്പ് ജെഡിഎസ് അടക്കമുള്ള കക്ഷികള് മത്സരിച്ചിരുന്ന ഈ സീറ്റില് ഇത്തവണ ഒരു സ്വതന്ത്ര പരീക്ഷണം നടത്താനാണ് മുന്നണി നേതൃത്വം തീരുമാനിച്ചിരിക്കുന്നത്.
സ്ഥാനാര്ത്ഥി പ്രഖ്യാപനം വന്നതോടെ കോവളം മണ്ഡലത്തില് തിരഞ്ഞെടുപ്പ് ആവേശം കൊടുമുടിയിലെത്തിയിരിക്കുകയാണ്. വരും ദിവസങ്ങളില് ഭഗത് റൂഫസ് മണ്ഡലത്തില് സജീവമായ പ്രചാരണ പരിപാടികള്ക്ക് തുടക്കം കുറിക്കും. യുഡിഎഫ് കോട്ടയില് വിള്ളല് വീഴ്ത്താന് ഭഗത് റൂഫസിന്റെ സ്ഥാനാര്ത്ഥിത്വത്തിന് കഴിയുമോ എന്നാണ് രാഷ്ട്രീയ കേരളം ഉറ്റുനോക്കുന്നത്.
