കണ്ണൂർ:മത്സ്യത്തൊഴിലാളിയായ ഒഡീഷ സ്വദേശി ബോട്ടിൽ കുഴഞ്ഞ് വീണ് മരിച്ചു. ഒഡീഷ തലാച്ചുവ്വയിലെ തപൻ കുമാർമൈത്തി (46)യാണ് ഇന്ന് രാവിലെ എട്ടുമണിയോടെ ആയിക്കര ഹാർബറിലുള്ള ബോട്ടിൽ കുഴഞ്ഞു വീണത്. ഉടൻ ജില്ലാ ആശുപത്രിയിലെത്തിച്ചുവെങ്കിലും ജീവൻ രക്ഷിക്കാനായില്ല.

കഴിഞ്ഞ അഞ്ചു വർഷത്തോളമായി തപൻ കുമാർ ആയിക്കരയിൽ മത്സ്യബന്ധന ജോലിചെയ്തുവരികയാണ്. നാട്ടിൽ പോയ ഇയാൾ കഴിഞ്ഞ മാസമാണ് തിരിച്ചെത്തിയത്. സിറ്റി പൊലീസ് മൃതദേഹം ഇൻക്വസ്റ്റ് നടത്തി. ജില്ലാ ആശുപത്രി മോർച്ചറിയിലേക്ക് മാറ്റി.