അയൽവാസിയുടെ പറമ്പിൽ കഞ്ചാവ് നട്ടുവളർത്തി; പ്രതി കോടതിയിൽ കീഴടങ്ങി

പത്തനംതിട്ട: വീടിനോട് ചേർന്ന് അയൽവാസിയുടെ പറമ്പിൽ കഞ്ചാവുചെടി നട്ടുവളർത്തിയ കേസിലെ പ്രതി കോടതിയിൽ കീഴടങ്ങി. കഞ്ചാവ് കൈവശംവെച്ചതുൾപ്പെടെ നിരവധി ക്രിമിനൽ കേസുകളിൽ പ്രതിയായ പുറമറ്റം മുണ്ടമല കുളത്തി!!െന്റ വടക്കേ വീട്ടിൽ സുനിലാണ് (22) ഒളിവിൽ കഴിഞ്ഞശേഷം കീഴടങ്ങിയത്.

കഴിഞ്ഞ ജൂൺ ഒമ്പതിനാണ് ജില്ല പൊലീസ് മേധാവിക്ക് ലഭിച്ച രഹസ്യ വിവരത്തെ തുടർന്ന്, അന്നത്തെ നാർകോട്ടിക് സെൽ ഡിവൈ.എസ്‌പി എ. പ്രദീപ് കുമാറി!!െന്റ നേതൃത്വത്തിൽ കഞ്ചാവുചെടി പിടിച്ചെടുത്തത്. സ്ത്രീക്കുനേരെ കൈയേറ്റം നടത്തി മാനഹാനിയുണ്ടാക്കിയ കേസിലും ഇയാൾ പ്രതിയാണ്.