കൊഴിഞ്ഞാമ്പാറ: സ്‌കൂൾ വിദ്യാർത്ഥിനിയായ 13-കാരിയുമായി ഝാർഖണ്ഡിലേക്ക് കടന്ന യുവാവിനെ പോക്സോ ചുമത്തി പൊലീസ് അറസ്റ്റ് ചെയ്തു. പെൺകുട്ടിയുമായി ഝാർഖണ്ഡിൽ താമസിച്ചു വരവെ കൊഴിഞ്ഞാമ്പാറ പഴനിയാർപാളയം ബി. ആകാശിനെയാണ് (18) കൊഴിഞ്ഞാമ്പാറ പൊലീസ് ഝാർഖണ്ഡിലെത്തി അറസ്റ്റ് ചെയ്തത്.

ഈ മാസം ഏഴിന് സ്‌കൂളിലേക്ക് പോയ പെൺകുട്ടി തിരിച്ചെത്തിയില്ല. തുടർന്ന് അമ്മ പൊലീസിൽ നൽകിയ പരാതിയിൽ നടത്തിയ അന്വേഷണത്തിലാണ് റാഞ്ചി ജില്ലയിലെ ജംഗിരിയിൽനിന്ന് ഇരുവരെയും പിടികൂടിയത്. പെൺകുട്ടി പീഡനത്തിനിരയായതായി വൈദ്യപരിശോധനയിൽ തെളിഞ്ഞെന്ന് പൊലീസ് പറഞ്ഞു. ആകാശിനെ റിമാൻഡ് ചെയ്തു. പെൺകുട്ടിയെ കൗൺസലിങ്ങിന് വിധേയയാക്കി.

ചിറ്റൂർ ഡിവൈ.എസ്‌പി. എം. സുന്ദരൻ, മീനാക്ഷിപുരം സിഐ. എം. ശശിധരൻ എന്നിവരുടെ നേതൃത്വത്തിൽ കൊഴിഞ്ഞാമ്പാറ എസ്‌ഐ. പി. സുജിത്ത്, പ്രബോഷൻ എസ്‌ഐ. വി. അനുരാജ്, എഎസ്ഐ. ഇ. അനിൽകുമാർ, എസ്.സി.പി.ഒ. കെ. വിനോദ് കുമാർ, സി.പി.ഒ. എൻ. ഷിബു, വനിതാ സി.പി.ഒ.മാരായ എസ്. സജിത, എസ്. ജിജി എന്നിവരുടെ സംഘമാണ് പിടികൂടിയത്.

 

പോക്‌സോ