ബൈക്ക് സ്‌കൂട്ടറിലിടിച്ച് സ്‌കൂട്ടർ യാത്രിക മരിച്ചു

തിരുവനന്തപുരം: ബൈക്ക് സ്‌കൂട്ടറിലിടിച്ച് സ്‌കൂട്ടർ യാത്രിക മരിച്ചു. പാപ്പനംകോട് കടുക്കത്തറ ലെയിൻ ഹൗസ് നമ്പർ24 ക്രൈസ്റ്റ് വില്ലയിൽ ഗീവർഗീസിന്റെ മകൾ അന്നമ്മ മാത്യു (65) ആണ് മരിച്ചത്.

ബുധനാഴ്ച ഉച്ചയ്ക്ക് ഒന്നര മണിക്ക് കരമന-കളിയിക്കാവിള പാതയിൽ പാപ്പനംകോട് തുലവിളയ്ക്ക് സമീപത്തെ കല്യാണ മണ്ഡപത്തിന് മുന്നിലാണ് അപകടം. സ്‌കൂട്ടറിൽ വരികയായിരുന്ന അന്നമ്മ മാത്യൂ തുറന്ന മീഡിയനിലൂടെ റോഡ് മുറിച്ചു കടക്കുന്നതിനിടെ നേമം ഭാഗത്ത് നിന്നുമെത്തിയ തമിഴ്‌നാട് രജിസ്‌ട്രേഷനിലുള്ള ബൈക്ക് ഇടിക്കുകയായിരുന്നു.

പാപ്പനംകോട്ടെ കേന്ദ്ര സർക്കാർ സ്ഥാപനമായ സി.എസ്‌ഐ.ആർ-നിസ്റ്റിലെ മുൻ സീനിയർ സ്റ്റെനോഗ്രാഫറാണ് അന്നമ്മ മാത്യു.

മക്കൾ: ബിരൻ കെ. മാത്യു, ബിനു കെ. മാത്യു. നേമം പൊലീസ് മേൽനടപടികൾ സ്വീകരിച്ചു. മൃതദേഹം തിരുവനന്തപുരം മെഡിക്കൽകോളജ് മോർച്ചറിയിൽ.