കണ്ടക്ടറെ കസ്റ്റഡിയിലെടുത്തതിൽ പ്രതിഷേധം; വയനാട്ടിൽ വെള്ളിയാഴ്ച ബസ് പണിമുടക്ക്

കൽപറ്റ: വയനാട്ടിൽ വെള്ളിയാഴ്ച സ്വകാര്യ ബസ് ജീവനക്കാർ പണിമുടക്കും. യാത്രാപാസ്സില്ലാതെ വിദ്യാർത്ഥികളെ ചോദ്യംചെയ്ത കണ്ടക്ടറെ കൽപറ്റ പൊലീസ് കസ്റ്റഡിയിലെടുത്തതിൽ പ്രതിഷേധിച്ചാണ് പണിമുടക്ക്.

കസ്റ്റഡിയിലെടുത്ത കണ്ടക്ടറെ തൊഴിലാളികളുടെ പ്രതിഷേധത്തെ തുടർന്ന് വിട്ടയച്ചെങ്കിലും സംയുക്ത ബസ് തൊഴിലാളി സംഘടന പണിമുടക്ക് പ്രഖ്യാപിക്കുകയായിരുന്നു.