പൂഞ്ഞാർ കുന്നോന്നിയിൽ പാറമടക്കുളത്തിൽ യുവാവ് മുങ്ങിമരിച്ചു

കോട്ടയം: പൂഞ്ഞാർ കുന്നോന്നിയിൽ പാറമടക്കുളത്തിൽ കുളിക്കാനിറങ്ങിയ യുവാവ് മുങ്ങിമരിച്ചു. ചോലത്തടം സ്വദേശി രഞ്ജിത് രാമകൃഷ്ണനാണ് മരിച്ചത്. റബർ ടാപ്പിങ് തൊഴിലാളിയായ രഞ്ജിത് കുളിക്കാനായി ഇറങ്ങിയപ്പോഴായിരുന്നു അപകടം.

ഈരാറ്റുപേട്ടയിൽ നിന്നുമെത്തിയ ഫയർഫോഴ്സ് സംഘമാണ് മൃതദേഹം പുറത്തെടുത്തത്. മൃതദേഹം ഈരാറ്റുപേട്ടയിലെ സ്വകാര്യ ആശുപത്രിയിലെത്തിച്ചശേഷം പോസ്റ്റുമോർട്ടത്തിനായി മാറ്റി.