കൊച്ചി: വഴിയരികിൽ നിർത്തിയിട്ടിരുന്ന വാഹനത്തിൽ നിന്ന് ബാറ്ററി മോഷ്ടിച്ചയാൾ പിടിയിൽ. അയ്യമ്പുഴ ചുള്ളി കോളോത്ത് കുടി വീട്ടിൽ ബിനോയ് (40) യെയാണ് പുത്തൻകുരിശ് പൊലീസ് പിടികൂടിയത്. ഇരുപതിലേറെ മോഷണക്കേസുകളിലെ പ്രതിയാണ് ഇയാൾ. കഴിഞ്ഞ 30 ന് പുത്തൻകുരിശ് പുളിച്ചോട് ഭാഗത്ത് വഴിയരികിൽ നിർത്തിയിട്ടിരുന്ന ആഷിക് ചന്ദ്രൻ എന്നയാളുടെ കണ്ടയ്‌നർ ലോറിയിൽ നിന്നും പന്തീരായിരം രൂപ വിലവരുന്ന ബാറ്ററി മോഷ്ടിച്ച് കടന്നുകളയുകയായിരുന്നു.

ഇയാൾ മോഷണത്തിന് എത്തിയത് അങ്കമാലിയിൽ നിന്നും മോഷ്ടിച്ച ബൈക്കിലാണെന്ന് അന്വേഷണത്തിൽ തെളിഞ്ഞു. ബാറ്ററി കണ്ടെടുത്തു. ഇൻസ്‌പെക്ടർ ടി. ദിലീഷ്, സബ് ഇൻസ്‌പെക്ടർ ടി.എ രമേശൻ , എഎസ്ഐ മാരായ മനോജ് കുമാർ, ജിഷാ മാധവൻ, അബ്ദുൾ സത്താർ സീനിയർ സിവിൽ പൊലീസ് ഓഫീസർമാരായ ചന്ദ്രബോസ്, ഡിനിൽ ദാമോധരൻ, പി.എ അബ്ദുൾ മനാഫ് (പെരുമ്പാവൂർ ) തുടങ്ങിയവർ ചേർന്നാണ് പ്രതിയെ പിടികൂടിയത്.