മദ്യലഹരിയിൽ അമ്മയെയും മകളെയും കുത്തി കൊലപ്പെടുത്താൻ ശ്രമം; അയൽവാസി പിടിയിൽ

തിരുവനന്തപുരം: മദ്യലഹരിയിൽ അമ്മയെയും മകളെയും കുത്തി കൊലപ്പെടുത്താൻ ശ്രമിച്ച കേസിൽ അയൽവാസി പിടിയിൽ. അമ്പുരി സ്വദേശി സൊബാസ്റ്റ്യനെയാണ് വെള്ളറട പൊലീസ് പിടികൂടിയത്. ആക്രമണത്തിൽ ഗുരുതരമായി പരിക്കേറ്റ അമ്മയും മകളും തിരുവനന്തപുരം മെഡിക്കൽ കോളെജ് ആശുപത്രിയിൽ ചികിത്സയിലാണ്.

കഴിഞ്ഞ ദിവസമാണ് കേസിനാസ്പദമായ സംഭവമുണ്ടായത്. അമ്പൂരി സ്വദേശികളായ റെജീ വർഗ്ഗീസ്, മകൾ ആര്യമോൾ എന്നിവരെയാണ് അയൽവാസിയായ സൊബാസ്റ്റ്യൻ കുത്തി കൊലപ്പെടുത്താൻ ശ്രമിച്ചത്. റെജിയുടെ സഹോദരൻ ഷിജുവും സൊബാസ്റ്റ്യനുമായി നേരത്തെ വാക്കേറ്റമുണ്ടായിരുന്നു. ഇതിൽ റെജീ ഇടപെട്ടതിന്റെ വൈരാഗ്യം മൂലമാണ് മദ്യലഹരിയിലെത്തിയ സെബാസ്റ്റ്യൻ ഇരുവരെയും കുത്തിയതെന്നാണ് വിവരം.