യുഎഇയിലെ ഫുജൈറയിൽ നേരിയ ഭൂചലനം

ഫുജൈറ: യുഎഇയിലെ ഫുജൈറയിൽ നേരിയ ഭൂചലനം. റിക്ടർ സ്‌കെയിലിൽ 3.2 തീവ്രത രേഖപ്പെടുത്തിയ ഭൂചലനമാണ് ഫുജൈറയിൽ അനുഭവപ്പെട്ടതെന്ന് യുഎഇ നാഷണൽ മെറ്റീരിയോളജി സെന്റർ അറിയിച്ചു.

ഫുജൈറയിലെ ധാദ്നയിലും പരിസരപ്രദേശങ്ങളിലുമാണ് ഭൂചലനം അനുഭവപ്പെട്ടത്. യുഎഇ പ്രാദേശിക സമയം രാവിലെ 10.51നാണ് നേരിയ ഭൂചലനമുണ്ടായതെന്ന നാഷണൽ മെറ്റീരിയോളജി സെന്റർ വ്യക്തമാക്കി.

ഔദ്യോഗിക ട്വിറ്റർ അക്കൗണ്ട് വഴിയാണ് ഭൂചലനം അനുഭവപ്പെട്ട വിവരം നാഷണൽ മെറ്റീരിയോളജി സെന്റർ അറിയിച്ചത്. സംഭവത്തിൽ ആർക്കെങ്കിലും പരിക്കേറ്റതായോ നാശനഷ്ടങ്ങൾ ഉണ്ടായതായോ റിപ്പോർട്ടുകളില്ല.