പാലക്കാട്: സംസ്ഥാനത്ത് നായ ആക്രമണത്തിൽ ഒരു മരണം കൂടി. പാലക്കാട് നെന്മാറ വിത്തിനശേരിയിൽ സരസ്വതി(60) ആണ് മരിച്ചത്. മെയ്‌ ഒന്നിന് സരസ്വതിയെ വീടിനടുത്തുവച്ച് തെരുവുനായ ആക്രമിച്ചിരുന്നു.

തുടർന്ന് തൃശൂർ മെഡിക്കൽ കോളജിൽ ചികിത്സ തേടി. ഇവർ പ്രതിരോധ കുത്തിവെപ്പ് എടുത്തിരുന്നു. മുറിവ് ഗുരുതമായതോടെ വലതുകാലിലെ വിരലുകൾ മുറിച്ചുമാറ്റുകയും ചെയ്തിരുന്നു. പിന്നീട് ജില്ലാ ആശുപത്രിയിലേക്ക് മാറ്റിയെങ്കിലും പേവിഷ ബാധ സ്ഥിരീകരിച്ചതോടെ ഗുരുതരാവസ്ഥയിൽ കഴിയുകയായിരുന്നു.