തൊടുപുഴ: ആശുപത്രിയിൽ നിന്നും ജോലി കഴിഞ്ഞു രാത്രി വീട്ടിലേക്ക് സ്‌കൂട്ടറിൽ പോയ നഴ്‌സിനെ ബൈക്കിൽ പിന്തുടർന്ന് കടന്നു പിടിച്ച സംഭവത്തിൽ രണ്ട് ദിവസം കഴിഞ്ഞിട്ടും പ്രതിയെ കണ്ടെത്താനായില്ല. പ്രതിയെ പിടിക്കാൻ പൊലീസ് കിണഞ്ഞു പരിശ്രമിക്കുന്നുണ്ട്. നഴ്‌സിനെ പിന്തുടരുന്ന വാഹനം സിസിടിവി ദൃശ്യങ്ങളിൽ കാണുന്നുണ്ടെങ്കിലും ചിത്രം വ്യക്തമല്ലാത്തതാണ് പൊലീസിനെ കുഴക്കുന്നത്. എങ്കിലും കൂടുതൽ ദൃശ്യങ്ങൾ പരിശോധിച്ച് പ്രതിയിലേക്ക് എത്താനുള്ള തീവ്രശ്രമത്തിലാണ് പൊലീസ്. ഇതിനായി അക്രമി എത്തിയ വഴിയുടെ റൂട്ട് മാപ് തയാറാക്കി കൂടുതൽ സിസിടിവി ദൃശ്യങ്ങൾ പരിശോധിക്കാനാണ് പൊലീസ് തീരുമാനം.

തൊടുപുഴ ഡിവൈഎസ്‌പി മധു ബാബു സംഭവസ്ഥലത്തെത്തി തെളിവു ശേഖരിച്ചു.കൂടുതൽ വിപുലമായ അന്വേഷണത്തിന് ഒരുങ്ങുകയാണ് പൊലീസ്. വ്യാഴാഴ്ച രാത്രി 8.30 ന് തൊടുപുഴ വണ്ണപ്പുറത്താണ് സംഭവം. നഗരത്തിലെ സ്വകാര്യ ആശുപത്രിയിലെ ജോലി കഴിഞ്ഞ് വീട്ടിലേക്ക് പോകും വഴി തിരിയാൻ സ്‌കൂട്ടർ വേഗം കുറച്ചപ്പോൾ പിന്നാലെ ബൈക്കിലെത്തിയ അക്രമി യുവതിയെ കടന്നു പിടിക്കുകയായിരുന്നു. യുവതി ഒച്ച വച്ചതോടെ പ്രതി കടന്നുകളഞ്ഞു.

 

റൂട്ട് മാപ്