കൊല്ലം: പെൺകുഞ്ഞിനോടു ലൈംഗികാതിക്രമം നടത്തിയ കേസിൽ വയോധികൻ അറസ്റ്റിൽ. കൊല്ലം കിളികൊല്ലൂർ കെ.ആർ നഗർ55 കൊട്ടിലിൽ വീട്ടിൽ മുഹമ്മദ്കുഞ്ഞ് (66) ആണു കിളികൊല്ലൂർ പൊലീസിന്റെ പിടിയിലായത്. കുട്ടിയുമായുള്ള പരിചയം മുതലെടുത്തു പല അവസരങ്ങളിലും ലൈംഗികമായി ഉപദ്രവിച്ചെന്നായിരുന്നു പരാതി.

പ്രതി തന്റെ മൊബൈൽ ഫോണിലെ അശ്ലീല ദൃശ്യങ്ങൾ കുട്ടിയെ നിർബന്ധിച്ചു കാണിച്ചതായും ലൈംഗികമായി പീഡിപ്പിക്കാൻ ശ്രമിച്ചതായും പരാതിയിൽ പറയുന്നു. കുട്ടിയുടെ പെരുമാറ്റത്തിൽ അസ്വാഭാവികത പ്രകടമായതിനെ തുടർന്ന് നടത്തിയ അന്വേഷണത്തിലാണു പീഡനവിവരങ്ങൾ പുറത്തറിഞ്ഞത്.

തുടർന്നു, കിളികൊല്ലൂർ പൊലീസ് സ്റ്റേഷനിൽ നൽകിയ പരാതിയുടെ അടിസ്ഥാനത്തിൽ പ്രതിയെ പിടികൂടുകയായിരുന്നു. കിളികൊല്ലൂർ പൊലീസ് ഇൻസ്‌പെക്ടർ എൻ.ഗിരീഷിന്റെ നേതൃത്വത്തിലുള്ള സംഘമാണു പിടികൂടിയത്.

 

അറസ്റ്റിൽലൈംഗികാതിക്രമം; വയോധികൻ