ജയ്പുർ: മഹാരാഷ്ട്രയിൽ ഓടിക്കൊണ്ടിരുന്ന ട്രെയിനിൽ ആർപിഎഫ് കോൺസ്റ്റബിൾ നാലു യാത്രക്കാരെ വെടിവച്ചു കൊന്നു. ജയ്പുർ-മുംബൈ എക്സ്പ്രസിന്റെ ബി5 കോച്ചിൽ ഇന്നു പുലർച്ചെയാണു സംഭവം. ട്രെയിൻ മുംബൈയിലേക്കു പോകുന്നതിനിടെ പൽഗാർ റെയിൽവേ സ്റ്റേഷനു സമീപമാണ് സംഭവം. അക്രമാസക്തനായ ആർപിഎഫ് കോൺസ്റ്റബിൾ യാത്രക്കാർക്കു നേരെ വെടിവയ്ക്കുകയായിരുന്നു. അക്രമിയെ ആയുധസഹിതം പിടികൂടി.

ട്രെയിൻ ബോറിവലിക്കും മിരാ റോഡിനും ഇടയിൽ ആയിരുന്നപ്പോഴാണ് സംഭവമെന്നാണു റിപ്പോർട്ട്. കോൺസ്റ്റബിളിന്റെ സഹപ്രവർത്തകനായ എഎസ്‌ഐയും മൂന്നു യാത്രക്കാരുമാണു മരിച്ചത്. വെടിവയ്പിൽ നിരവധി യാത്രക്കാർക്കു പരുക്കേറ്റു. അക്രമി ട്രെയിനിലുണ്ടായിരുന്ന സഹപ്രവർത്തകനെയാണ് ആദ്യം വെടിവെച്ചത്. പിന്നാലെ മറ്റൊരു ബോഗിയിലേക്ക് ഓടിപ്പോവുകയും മൂന്ന് യാത്രക്കാരെ വെടിവെച്ച് വീഴ്‌ത്തുകയുമായിരുന്നു