കൊല്ലം: വിദ്യാർത്ഥി പൊലിസ് പട്ടിണിയകറ്റാൻ മുൻകൈയെടുത്ത് മാതൃകയാകുന്നു. പന്മനയിൽ ശ്രീബാലഭട്ടാരകവിലാസം സംസ്‌കൃത സർക്കാർ ഹയർസെക്കൻഡറി സ്‌കൂളിലെ എസ്. പി. സി. കെഡറ്റുകളാണ് വിശപ്പുരഹിത ഗ്രാമം-പാഥേയം പദ്ധതിയിലൂടെ ഭക്ഷണപ്പൊതികൾ ശേഖരിച്ച് പഞ്ചായത്ത് ഓഫീസിനു മുൻവശം സ്ഥാപിച്ച ബോക്‌സിൽ ക്രമീകരിക്കുന്നത്. പെട്ടിയിൽ നിന്ന് ആവശ്യക്കാർക്ക് ആഹാരം സ്വന്തമാക്കാം. സുജിത്ത് വിജയൻപിള്ള എം എൽ എ പദ്ധതി ഉദ്ഘാടനം ചെയ്തു.

പന്മന ഗ്രാമപഞ്ചായത്ത് പ്രസിഡന്റ് എം ഷമി, ജില്ലാപഞ്ചായത്ത് അംഗം സി പി സുധീഷ് കുമാർ, വൈസ് പ്രസിഡന്റ് പന്മല ബാലകൃഷ്ണൻ, മുൻ വൈസ് പ്രസിഡന്റ് മാമൂലയിൽ സേതു കുട്ടൻ, ജനപ്രതിനിധികൾ, പൊതുപ്രവർത്തകർ, സ്‌കൂൾ പി ടി എ പ്രസിഡന്റ്, ഹെഡ്‌മിസ്ട്രസ്, പ്രിൻസിപ്പൽ, അദ്ധ്യാപകർ, സ്റ്റുഡന്റ് പൊലീസ് കേഡറ്റ്‌സ്, വിദ്യാർത്ഥികൾ തുടങ്ങിയവർ പങ്കെടുത്തു.