വിതുര ആനപ്പാറയിൽ കരടിയുടെ ആക്രമണം

തിരുവനന്തപുരം: വിതുര ആനപ്പാറയിൽ കരടിയുടെ ആക്രമണം. ആനപ്പാറ തെക്കുംകര പുത്തൻവീട്ടിൽ ശിവദാസൻ കാണിയെയാണ് കരടി ആക്രമിച്ചത്. കരടിയെ കണ്ട ശിവദാസൻ അടയ്ക്കാ മരത്തിൽ കയറി രക്ഷപ്പെടാൻ ശ്രമിച്ചു. മരത്തിൽ കൂടെ കയറിയാണ് കരടി ആക്രമിച്ചത്. രാവിലെ ആറരയോടെ വീടിനു സമീപത്തായിരുന്നു സംഭവം. ശിവദാസൻ നിലവിളിച്ചതോടെ നാട്ടുകാർ എത്തി കരടിയെ ഓടിച്ചു.