തിരുവനന്തപുരം: കേരള സർക്കാരിന്റെ സാംസ്‌കാരിക വകുപ്പിനുവേണ്ടി കേരള സംസ്ഥാന ചലച്ചിത്ര അക്കാദമി 2023 ഡിസംബർ എട്ടു മുതൽ 15 വരെ തിരുവനന്തപുരത്ത് സംഘടിപ്പിക്കുന്ന 28ാമത് കേരള രാജ്യാന്തര ചലച്ചിത്രമേളയിലേക്കുള്ള എൻട്രികൾ ക്ഷണിച്ചതായി സാംസ്‌കാരിക വകുപ്പു മന്ത്രി സജി ചെറിയാൻ വാർത്താക്കുറിപ്പിൽ അറിയിച്ചു.

മേളയിലേക്ക് തെരഞ്ഞെടുക്കപ്പെടുന്നതിനുള്ള സിനിമകൾ ഓഗസ്റ്റ് 11 മുതൽ ഓൺലൈനായി സമർപ്പിക്കാം. സിനിമകൾ സമർപ്പിക്കാനുള്ള അവസാന തീയതി 2023 സെപ്റ്റംബർ 11 ആണ്. 2022 സെപ്റ്റംബർ ഒന്നിനും 2023 ഓഗസ്റ്റ് 31നുമിടയിൽ നിർമ്മാണം പൂർത്തിയാക്കിയ ചിത്രങ്ങളാണ് പരിഗണിക്കുക. iffk.in എന്ന വെബ്‌സൈറ്റ് മുഖേനയാണ് എൻട്രികൾ സമർപ്പിക്കേണ്ടത്. അന്താരാഷ്ട്ര മൽസര വിഭാഗം, ഇന്ത്യൻ സിനിമ നൗ, മലയാളം സിനിമ റ്റുഡേ എന്നീ വിഭാഗങ്ങളിലേക്കാണ് എൻട്രികൾ സമർപ്പിക്കേണ്ടത്.

 

മറുനാടന്‍ മലയാളി

    മറുനാടന്‍ മലയാളി ബ്യൂറോ