മാവേലിക്കരയിൽ ബൈക്കുകൾ കൂട്ടിയിടിച്ചു; 44കാരൻ മരിച്ചു

ആലപ്പുഴ: ബൈക്കുകൾ കൂട്ടിയിടിച്ചുണ്ടായ അപകടത്തിൽ യുവാവിന് ദാരുണാന്ത്യം. ഇറവങ്കര ഷാബു വർഗീസ് (44) ആണ് മരിച്ചത്. വെള്ളിയാഴ്ച വൈകിട്ട് മാവേലിക്കര കൊച്ചാലുംമൂട് ജംക്ഷന് സമീപം ബൈക്കുകൾ കൂട്ടിയിടിക്കുകയായിരുന്നു. തലയ്ക്കു ഗുരുതരമായി പരിക്കേറ്റ ഷാബുവിനെ കോട്ടയം മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.