തിരുവല്ല പുളിക്കീഴിൽ ആറുമാസം പ്രായമായ കുഞ്ഞിന്റെ മൃതദേഹം; കാലിൽ നായ കടിച്ചതിന് സമാനമായ പാടുകൾ; മൃതദേഹം കണ്ടെത്തിയത് പുഴയോരത്തെ ചതുപ്പുനിലത്തിൽ നിന്ന്

തിരുവല്ല: പുഴയോരത്ത് ആറുമാസം പ്രായമായ കുഞ്ഞിന്റെ മൃതദേഹം കണ്ടെത്തി. തിരുവല്ല പുളിക്കീഴ് പള്ളിക്ക് സമീപത്തെ കടവിലാണ് മൃതദേഹം കണ്ടെത്തിയത്. ദുർഗന്ധത്തെ തുടർന്ന് നാട്ടുകാർ നടത്തിയ തിരച്ചിലിലാണ് മൃതദേഹം കണ്ടെത്തിയത്.

കുഞ്ഞിന്റെ മൃതദേഹത്തിന് രണ്ടുദിവസത്തെ പഴക്കമുണ്ട്. കാലിൽ നായ കടിച്ചതിന് സമാനമായ പാടുകളുണ്ട്. പുഴയോരത്തോട് ചേർന്ന ചതുപ്പ് നിലത്തിൽ നിന്നാണ് കമിഴ്ന്നു കിടക്കുന്ന അവസ്ഥയിൽ മൃതദേഹം കണ്ടെത്തിയത്. സമീപത്ത് ഒരു ചാക്കും കണ്ടെത്തിയിട്ടുണ്ട്. മൃതദേഹം ആശുപത്രിയിലേക്ക് മാറ്റി. പൊലീസ് അന്വേഷണം ആരംഭിച്ചു.