തൃശൂർ: മാരക മയക്കുമരുന്നായ എംഡിഎംഎയുമായി രണ്ടു സ്ത്രീകളടക്കം നാലു പേരെ കുന്നംകുളത്ത് ലോഡ്ജിൽ നിന്നും പൊലീസ് അറസ്റ്റ് ചെയ്തു. തൃശൂർ ജില്ലാ ലഹരി വിരുദ്ധ സ്‌ക്വാഡും കുന്നംകുളം പൊലീസും നടത്തിയ സംയുക്ത പരിശോധനയിലാണ് പ്രതികൾ പിടിയിലായത്.

കൂറ്റനാട് സ്വദേശികളായ ഷഫീക്ക് (32), അനസ് (26), ആലപ്പുഴ ആർത്തുങ്കൽ സ്വദേശിനി ഷെറിൻ (29), കൊല്ലം സ്വദേശി സുരഭി (23) എന്നിവരാണ് മയക്കുമരുന്നുമായി പിടിയിലായത്. പ്രതികളിൽ നിന്നും അഞ്ച് ഗ്രാം എംഡിഎംഎയാണ് പൊലീസ് കണ്ടെത്തിയത്. പ്രദേശത്തെ സ്‌കൂൾ വിദ്യാർത്ഥികളെ ലക്ഷ്യമിട്ടാണ് പ്രതികൾ മയക്കുമരുന്നെത്തിച്ചതെന്ന് പൊലീസ് പറഞ്ഞു.