കൊച്ചി: ഓണാഘോഷം പ്രമാണിച്ച് എക്സൈസ് വകുപ്പ് മദ്യം, മയക്കു മരുന്നുമായി ബന്ധപ്പെട്ട കുറ്റങ്ങൾ നിരീക്ഷിക്കുന്നതിനും ആവശ്യമായ നടപടികൾ സ്വീകരിക്കുന്നതിനും ആരംഭിച്ച കൺട്രോൾ റൂം 24 മണിക്കൂറും എറണാകുളത്ത് സജീവം. സെപ്റ്റംബർ 5 രാത്രി 12 വരെ നീണ്ടു നിൽക്കുന്ന ഓണം സ്പെഷ്യൽ ഡ്രൈവിനോട് അനുബന്ധിച്ച് ജില്ലാതലത്തിൽ എക്സൈസ് ഡിവിഷൻ ഓഫീസ് കേന്ദ്രീകരിച്ചാണ് കൺട്രോൾ റൂം പ്രവർത്തിക്കുന്നത്.

വ്യാജമദ്യം, മയക്കുമരുന്ന് എന്നിവയുടെ ഉൽപാദനം, വിതരണം, കടത്തൽ സംബന്ധിച്ചുള്ള വിവരങ്ങൾ, പൊതുസ്ഥലങ്ങളിലുള്ള മദ്യപാനം എന്നിവയുമായി ബന്ധപ്പെട്ട വിവരങ്ങൾ അറിയിക്കാം.

സംയുക്ത പരിശോധന

പൊതുജനങ്ങൾക്ക് കൺട്രോൾ റൂമിൽ എക്സൈസ് വകുപ്പ്, ഫോറസ്റ്റ്, റവന്യൂ, പൊലീസ്, കോസ്റ്റൽ പൊലീസ്, മറൈൻ എൻഫോഴ്സ്മെന്റ്, ഡ്രഗ്സ്, ഫുഡ് ആൻഡ് സേഫ്റ്റി എന്നീ വകുപ്പുകളുമായി ബന്ധപ്പെട്ട് ഓണക്കാലത്ത് വിപുലമായ സംയുക്ത പരിശോധനകൾ നടത്തും. രാത്രികാല പട്രോളിങ്, വാഹനപരിശോധനയും നടത്തുവാൻ പ്രത്യേക സംഘത്തെ വിന്യസിച്ചിട്ടുണ്ട്.

സത്വര പരിശോധന

പൊതുജനങ്ങളിൽ നിന്നും ലഭിക്കുന്ന പരാതികളിൽ മിന്നൽ പരിശോധന നടത്തുവാൻ രണ്ട് സ്ട്രൈക്കിങ് ഫോഴ്സും സജീവമാണ്. വിവരം ലഭിച്ചാൽ മിനിറ്റുകൾക്കുള്ളിൽ ഇത്തരം പരാതികൾ അന്വേഷണ വിധേയമാക്കും. വനമേഖലയിലും, വ്യാജമദ്യ ഉത്പാദനവും വിതരണവും നടത്താനിടയുള്ള മേഖലകളിലും ഡ്രോൺ ഉപയോഗിച്ചുള്ള പരിശോധനകൾ നടത്തും.

ഷാഡോ എക്സൈസ്

മദ്യ,മയക്കുമരുന്ന് മാഫിയകളെ രഹസ്യമായി നിരീക്ഷിക്കുന്നതിന് ഷാഡോ എക്സൈസ്, എക്സൈസ് ഇന്റലിജൻസ് എന്നീ വിഭാഗങ്ങളും രംഗത്തുണ്ട്. കൂടാതെ മഫ്തിയിൽ എക്സൈസ് ഉദ്യോഗസ്ഥരെ ജില്ലയുടെ പലഭാഗങ്ങളിലും വിന്യസിച്ചിട്ടുണ്ട്.

കരുതൽ തടങ്കൽ

മദ്യമയക്കുമരുന്ന് മേഖലയിലെ സ്ഥിരം കുറ്റവാളികൾക്കെതിരെ വിവിധ വകുപ്പുകൾ പ്രകാരം മുൻകൂർ കസ്റ്റഡിയിൽ വയ്ക്കുന്നതിനുള്ള നടപടികൾ സ്വീകരിച്ചിട്ടുണ്ട്. സ്ഥിരം കുറ്റവാളികളെ കരുതൽ തടങ്കലിൽ പാർപ്പിക്കുന്നതിനുള്ള നടപടികൾ സ്വീകരിച്ചിട്ടുണ്ട്.

പരിശോധനകൾ

ഓണം സ്പെഷ്യൽ ഡ്രൈവിന്റെ ഭാഗമായി എല്ലാ അബ്കാരി, നർകോട്ടിക്, എം &ടിപി എന്നീ ലൈസൻസ്ഡ് സ്ഥാപനങ്ങളിലും വ്യാപകമായി പരിശോധന നടത്തുകയും പ്രവർത്തനങ്ങൾ നിരീക്ഷിക്കുകയും ചെയ്യുന്നുണ്ട്. ഓണം സ്പെഷ്യൽ കാലയളവിൽ മദ്യം, മയക്കുമരുന്ന് കുറ്റകൃത്യങ്ങളെക്കുറിച്ച് എല്ലാ വിധ വിവരങ്ങളും താഴെപ്പറയുന്ന നമ്പറുകളിൽ പൊതുജനങ്ങൾക്ക് അറിയിക്കാം.

എക്സൈസ് ഡെപ്യൂട്ടി കമ്മീഷണർ, എറണാകുളം-0484-2390657, 9447178059

അസി. എക്സൈസ് കമ്മീഷണർ(എൻഫോഴ്സ്മെന്റ്), എറണാകുളം-0484-2397480, 9496002867
ജില്ലാ കൺട്രോൾ റൂം- 0484-2390657, 9447178059
എക്സൈസ് സർക്കിൾ ഓഫീസ്, എറണാകുളം- 0484-2393121, 9400069552
എക്സൈസ് സർക്കിൾ ഓഫീസ്, ആലുവ - 0484-2623655, 9400069560
എക്സൈസ് സർക്കിൾ ഓഫീസ്, കൊച്ചി -0484-2215120, 9400069554
എക്സൈസ് സർക്കിൾ ഓഫീസ്, കുന്നത്തുനാട്- 0484-2591203, 9400069559
എക്സൈസ് സർക്കിൾ ഓഫീസ്, കോതമംഗലം- 0485-2824419, 9400069562
എക്സൈസ് സർക്കിൾ ഓഫീസ്, മൂവാറ്റുപുഴ -0485-2832623, 9400069564
എക്സൈസ് സ്പെഷ്യൽ സ്‌ക്വാഡ്, എറണാകുളം-0484-2397480, 9400069550
എക്സൈസ് സർക്കിൾ ഓഫീസ്, നോർത്ത് പറവൂർ- 0484-2443187, 9400069557
എക്സൈസ് റേഞ്ച് ഓഫീസ്, എറണാകുളം-0484-2392283, 9400069565
എക്സൈസ് റേഞ്ച് ഓഫീസ്, തൃപ്പൂണിത്തുറ-0484-2785060, 9400069566
എക്സൈസ് റേഞ്ച് ഓഫീസ്, മട്ടാഞ്ചേരി-0484-2221998, 9400069567
എക്സൈസ് റേഞ്ച് ഓഫീസ്, ഞാറയ്ക്കൽ-0484-2499297, 9400069568
എക്സൈസ് റേഞ്ച് ഓഫീസ്, നോർത്ത് പറവൂർ-0484-2441280, 9400069569
എക്സൈസ് റേഞ്ച് ഓഫീസ്, വരാപ്പുഴ-0484-2511045, 9400069570
എക്സൈസ് റേഞ്ച് ഓഫീസ്, ആലുവ-0484-2621089, 9400069571
എക്സൈസ് റേഞ്ച് ഓഫീസ്, അങ്കമാലി-0484-2458484, 9400069572
എക്സൈസ് റേഞ്ച് ഓഫീസ്, കാലടി-0484-2461326, 9400069573
എക്സൈസ് റേഞ്ച് ഓഫീസ്, പെരുമ്പാവൂർ-0484-2590831, 9400069574
എക്സൈസ് റേഞ്ച് ഓഫീസ്, മാമല-0484-2786848,9400069575
എക്സൈസ് റേഞ്ച് ഓഫീസ്, മൂവാറ്റുപുഴ-0485-2836717,9400069576
എക്സൈസ് റേഞ്ച് ഓഫീസ്, പിറവം-0485-2241573, 9400069577
എക്സൈസ് റേഞ്ച് ഓഫീസ്, കോതമംഗലം-0485-2826460, 9400069578
എക്സൈസ് റേഞ്ച് ഓഫീസ്, കുട്ടമ്പുഴ -0485-2572861, 9400069579

മറുനാടന്‍ മലയാളി

    മറുനാടന്‍ മലയാളി ബ്യൂറോ