നീലേശ്വരം: നഗ്‌നയായി വീഡിയോകോൾ ചെയ്യാൻ നിർബന്ധിക്കുകയും എതിർത്തപ്പോൾ ശാരീരികമായി ഉപദ്രവിക്കുകയും ചെയ്ത ഭർത്താവിനെതിരേ ഭാര്യ നീലേശ്വരം പൊലീസിൽ പരാതി നൽകി. 20കാരിയാണ് ഭർത്താവിനെതിരെ പരാതി നൽകിയത്.

പാലായിൽ വാടകയ്ക്ക് താമസിക്കുന്ന ബങ്കളം സ്വദേശിയായ യുവാവാണ് ഭാര്യയെ പീഡിപ്പിച്ചത്. ആളുകളിൽനിന്ന് പണം വാങ്ങി യുവതിയെ ഭീഷണിപ്പെടുത്തി വിവസ്ത്രയായിനിന്ന് വീഡിയോകോൾ ചെയ്യാൻ ആവശ്യപ്പെടുകയായിരുന്നുവെന്നാണ് പരാതിയിൽ പറയുന്നത്.

ഇതിന് തയ്യാറാകാതിരുന്ന യുവതിയെ ഭർത്താവ് ശാരീരികമായും മാനസികമായും പീഡനത്തിന് ഇരയാക്കിയെന്നും പരാതിയിൽ പറയുന്നു. യുവതിയുടെ പരാതിയിൽ ഗാർഹികപീഡനത്തിന് യുവാവിന്റെ പേരിൽ നീലേശ്വരം പൊലീസ് കേസെടുത്ത് അന്വേഷണം ആരംഭിച്ചു.