കാലടി: വാട്ടർ അഥോറിറ്റിയിൽ ജോലി ശരിയാക്കി നൽകാമെന്ന് പറഞ്ഞു 2,25,000 രൂപ തട്ടിയെടുത്ത കേസിൽ ഒരാൾ അറസ്റ്റിൽ. നെയ്യാറ്റിൻകര പ്ലാമൂട്ട്തട എംആർപി സദനത്തിൽ സതീഷ് കുമാർ (64 ) നെയാണ് കാലടി പൊലീസ് അറസ്റ്റ് ചെയ്തത്.

തൃശ്ശൂർ പീച്ചി സ്വദേശിയാണ് പരാതിക്കാരൻ. ഇദ്ദേഹത്തിന്റെ മകന് ജോലി ശരിയാക്കി നൽകാമെന്ന് പറഞ്ഞ് കാലടിയിൽ വച്ച് രണ്ട് ഘട്ടമായാണ് ഇയാൾ പണം വാങ്ങിയത്. തുടർന്ന് ഒളിവിൽ പോവുകയയിരുന്നു.

ഓടക്കാലിയിൽ വച്ചാണ് പ്രതിയെ പൊലീസ് അറസ്റ്റ് ചെയ്തത്. ഇയാൾക്കെതിരെ സമാന സ്വഭാവമുള്ള തട്ടിപ്പുമായി ബന്ധപ്പെട്ട് വിവിധ സ്റ്റേഷനുകളിൽ അഞ്ച് കേസുകൾ നിലവിലുണ്ട്.എസ് ഐ മാരായ എം.സി ഹരീഷ്, ജെയിംസ് മാത്യു, സീനിയർ സിവിൽ പൊലീസ് ഓഫീസർ ഷൈജു അഗസ്റ്റിൻ, സിപിഒ മാരായ രജിത്ത് രാജൻ, മനോജ് കുമാർ തുടങ്ങിയവരാണ് അന്വേഷണത്തിൽ ഉണ്ടായിരുന്നത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

 

 

മറുനാടന്‍ മലയാളി

    മറുനാടന്‍ മലയാളി ബ്യൂറോ