മൂവാറ്റുപുഴ: മദ്യലഹരിയിൽ കാറോടിച്ച് അപകടം ഉണ്ടാക്കുകയും യാത്രക്കാരും നാട്ടുകാരുമായി ബഹളം ഉണ്ടാക്കുകയും ചെയ്ത പൊലീസ് ഉദ്യോഗസ്ഥനെ നാട്ടുകാർ പിടികൂടി പൊലീസിനു കൈമാറി. കരിങ്കുന്നം പൊലീസ് സ്റ്റേഷനിലെ സിവിൽ പൊലീസ് ഓഫിസർ ചെമ്പകപ്പാറ പാടലംകുന്നേൽ അജീഷ് കുര്യനെ (40) ആണ് നാട്ടുകാർ പിടികൂടിയത്. മദ്യപിച്ച് വാഹനം ഓടിച്ച അജീഷിന്റെ കാർ കെഎസ്ആർടിസി ബസിൽ ഇടിക്കുകയായിരുന്നു.

അപകടം ചോദ്യം ചെയ്ത ബസ് ജീവനക്കാരും യാത്രക്കാരുമായി അജീഷ് തർക്കിക്കുകയും ബഹളംവയ്ക്കുകയും ചെയ്തതോടെ നാട്ടുകാർ വളഞ്ഞു. ഉട്# തന്നെ സംഭവം പൊലീസിൽ അറിയിക്കുകയും പൊലീസിന് കൈമാറുകയായിരുന്നു. പൊലീസ് വൈദ്യ പരിശോധനയ്ക്കു ശേഷം അജീഷിനെതിരെ മദ്യപിച്ചു വാഹനം ഓടിച്ചതിനു കേസ് രജിസ്റ്റർ ചെയ്തിട്ടുണ്ട്. റൂറൽ ജില്ലാ പൊലീസ് മേധാവിക്കു റിപ്പോർട്ടും നൽകി. അജീഷിനെതിരെ മദ്യപിച്ചു വാഹനമോടിച്ചതിനു പൊലീസ് കേസ് രജിസ്റ്റർ ചെയ്തു. ഇന്നലെ വൈകിട്ട് എംസി റോഡിൽ വാഴപ്പിള്ളിയിൽ ആണു സംഭവം.